ДПК: уезду ў Еўрасаюз чакаюць больш за 5,9 тыс. грузавікоў
 

14 кастрычніка, Мінск /Кар. БЕЛТА/. Больш за 5,9 тыс. грузавікоў фіксуецца перад еўрапейскімі пунктамі пропуску. Аб гэтым БЕЛТА паведамілі ў Дзяржпагранкамітэце.

Самы загружаны маршрут для фур на ўезд у Еўрасаюз праходзіць праз польскі пагранпераход "Кукурыкі" (сумежны "Казловічы") - 3765 адзінак. За суткі сумежны бок прапусціў 41 працэнт грузавых аўтамабіляў ад нормы.

Менш за ўсё транспарту прапусцілі ў літоўскім "Мядзінінкаі" ("Каменны Лог"). Яго супрацоўнікі за суткі аформілі толькі 8 працэнтаў велікагрузаў. Перад літоўскім пагранпераходам "Шальчынінкай" ("Беняконі") знаходзяцца 650 грузавікоў. Праз гэты пункт пропуску ў Літву прайшло 18 працэнтаў аўто ад нормы.

Кантрольныя службы латвійскага пункта пропуску "Патэрніекі" ("Грыгароўшчына") аформілі 32 працэнты аўто ад нормы. Уезду ў Латвію чакаюць 770 грузавікоў.

Перад адзіным даступным для легкавых аўто польскім пунктам пропуску "Цярэспаль" ("Брэст") фіксуецца 105 адзінак аўто. Сумежны бок за суткі прыняў на сваю тэрыторыю 45 працэнтаў аўтамабіляў ад нормы.

Каля 50 легкавушак стаяць у чарзе перад літоўскімі пунктамі пропуску. У Літву праз пагранпераходы "Мядзінінкай" ("Каменны Лог") і "Шальчынінкай" ("Беняконі") праехалі 54 працэнты і 46 працэнтаў аўто адпаведна.-0-