21 снежня, Мінск /Кар. БЕЛТА/. На партале Дзяржпагранкамітэта створаны новы рэсурс для тых, хто перасякае граніцу ва ўмовах COVID-19, з тлумачэннем усіх новаўвядзенняў, паведамілі БЕЛТА ў ДПК.
У Беларусі ва ўмовах COVID-19 уведзены некаторыя абмежаванні для грамадзян рэспублікі і замежных грамадзян у частцы перасячэння дзяржаўнай граніцы. "Для растлумачэння правіл, якія ўступаюць у сілу з 21 снежня, для асоб, маючых неабходнасць у перасячэнні беларускай граніцы, мы стварылі новы рэсурс на інтэрнэт-партале Дзяржпагранкамітэта. У ім размешчана вычарпальная інфармацыя пра новаўвядзенні і асаблівасці перасячэння граніцы для ўсіх катэгорый грамадзян", - растлумачылі ў ДПК.
Як паведамлялася раней, новыя правілы ўступаюць у сілу з 00.00 21 снежня і закрануць перасячэнне граніцы замежнымі грамадзянамі і беларусамі ў абодвух напрамках цераз функцыянуючыя наземныя пагранпераходы з Латвіяй, Літвой, Польшчай і Украінай, а таксама паветраныя пункты пропуску. "Аналагічныя меры ў розных варыянтах рэалізацыі ўводзіліся ў Латвіі, Літве і Расіі", - падкрэслілі ў Дзяржпагранкамітэце.-0-
