11 верасня, Брэст /Кар. БЕЛТА/. Беларусь і органы пагранічнай службы пасля закрыцця Польшчай граніцы не плануюць закрыццё сваіх пунктаў пропуску і гатовы аднавіць афармленне транспартных сродкаў і грамадзян у любы момант. Аб гэтым заявіў журналістам афіцыйны прадстаўнік Дзяржаўнага пагранічнага камітэта Беларусі Антон Бычкоўскі, перадае карэспандэнт БЕЛТА.
З пачатку гэтага тыдня польскі бок прыняў на сваю тэрыторыю 2 тыс. легкавых аўтамабіляў, 270 аўтобусаў і больш за 2,5 тыс. велікагрузаў. У Беларусь у той жа час праехалі 2,5 тыс. легкавых аўтамабіляў, 260 аўтобусаў і 2 тыс. грузавікоў. З 8 верасня на бягучы момант праз беларуска-польскую граніцу прайшлі 11,3 тыс. чалавек на ўезд у нашу краіну, 11,9 тыс. чалавек на выезд з Беларусі. Гэта грамадзяне розных краін.
Афіцыйны прадстаўнік ДПК нагадаў, што Польшча і іншыя сумежныя дзяржавы Еўрапейскага саюза раней ужо абмяжоўвалі рух на сваю тэрыторыю. У прыватнасці, пад выглядам пандэміі каранавіруса былі закрыты многія пункты пропуску, некаторыя з іх не аднавілі работу да гэтага часу. "Акрамя таго, закрываліся пункты пропуску і пазней. Разам з тым яшчэ не было ў гісторыі суверэннай Беларусі, калі на яе граніцах былі поўнасцю спынены міжнародныя зносіны з іншымі дзяржавамі, у тым ліку з Рэспублікай Польшча, - акцэнтаваў увагу Антон Бычкоўскі. - Рэспубліка Беларусь і органы пагранічнай службы не плануюць закрыццё пунктаў пропуску са свайго боку і прадоўжаць работу. Гатовы аднавіць функцыянаванне і афармленне транспартных сродкаў і асоб, якія перасякаюць дзяржаўную граніцу, у любы момант з аднаўленнем кантрольнай дзейнасці сумежнага боку".-0-
У ДПК Беларусі 11 верасня паступіла афіцыйнае паведамленне Пагранічнай варты Рэспублікі Польшча аб закрыцці з 1.00 12 верасня па беларускім часе пунктаў пропуску на беларуска-польскай граніцы. Размова ідзе аб аўтадарожных "Брэст" - "Цярэспаль" і "Казловічы" - "Кукурыкі", а таксама чатырох чыгуначных пунктах пропуску: "Гродна" - "Кузніца Беластоцкая", "Бераставіца" - "Зубкі Беластоцкія", "Свіслач" - "Сямёнаўка", "Брэст" - "Цярэспаль". Тэрміны аднаўлення работы пунктаў пропуску польскі бок паабяцаў паведаміць дадаткова.
"Польскі бок закрывае рух, спасылаючыся на пункты дагавора паміж урадамі Рэспублікі Беларусь і Рэспублікі Польшча па пытанні пагранічных пераходаў, аргументуючы неабходнасць забеспячэння грамадскай бяспекі. Беларуская пагранічная служба на гэты момант сканцэнтравала свае намаганні на забеспячэнні павышанай прапускной здольнасці ўсё яшчэ дзеючых пунктаў пропуску з мэтай забеспячэння максімальна хуткага афармлення асоб, якія перасякаюць дзяржаўную граніцу як на выезд з Рэспублікі Беларусь, так і на ўезд", - сказаў Антон Бычкоўскі.
Апошнім часам перад беларускімі пунктамі пропуску фіксуюцца даволі працяглыя чэргі. Асабліва гэта датычыцца пункта пропуску "Брэст". Польскі бок афармляе транспарт нерытмічна. "Прапускная здольнасць па легкавых транспартных сродках зніжана фактычна да 50 працэнтаў, у адносінах да рэгулярных аўтобусаў складае прыблізна два аўтобусы за гадзіну", - удакладніў афіцыйны прадстаўнік Дзяржпагранкамітэта.
З моманту спынення руху ў пунктах пропуску на тэрыторыі Польшчы беларускія пагранічнікі будуць дзейнічаць з улікам абстаноўкі. "Выдатна разумеем, што не ўсе асобы, якія да гэтага часу знаходзяцца ў чарзе як у электроннай, так і перад пунктам пропуску, паспеюць перасячы дзяржаўную граніцу. Аднак беларускі пункт пропуску будзе функцыянаваць да спынення руху польскім бокам", - адзначыў Антон Бычкоўскі. Ён растлумачыў, што тым, хто прайшоў афармленне на выезд з Беларусі па прычыне спынення руху на польскім баку, давядзецца прайсці кантроль на ўезд у Беларусь.
Падпісвайцеся на нас у
