ДПК: больш за 900 фур чакаюць уезду ў ЕС на беларуска-літоўскай граніцы

26 лютага, Мінск /Кар. БЕЛТА/. Па стане на 10.00 больш за 900 адзінак грузавога транспарту фіксуецца на ўезд у Еўрасаюз з беларускай тэрыторыі перад усімі літоўскімі пунктамі пропуску. З пятніцы чарга фур на ўезд у Літву павялічылася на 280 аўто. Аб гэтым БЕЛТА паведамілі ў Дзяржпагранкамітэце.

Самы загружаны маршрут для фур праходзіць праз літоўскі пагранпераход "Шальчынінкай" (сумежны "Беняконі"), яго супрацоўнікі за два дні прынялі на сваю тэрыторыю 41 працэнт грузавікоў ад нормы. Менш за ўсё грузавога транспарту прыбыла ў Літву праз пункт пропуску "Мядзінінкай" (сумежны "Каменны Лог") - 16 працэнтаў велікагрузаў.

Сумежныя кантрольныя службы пунктаў пропуску Латвіі "Патэрніекі" (сумежны "Грыгароўшчына") і Польшчы "Кукурыкі" (сумежны "Казловічы") аформілі 54 працэнты і 66 працэнтаў грузавікоў ад нормы.

Легкавы транспарт чакае ўезду ў ЕС толькі перад літоўскімі пунктамі пропуску "Шальчынінкай" (сумежны "Беняконі") і "Райгардас" (сумежны "Прывалка").-0-