17 лістапада, Мінск /Кар. БЕЛТА/. Бежанцаў прадаўжаюць размяшчаць у цёплых памяшканнях. Аб гэтым БЕЛТА паведамілі ў Дзяржпагранкамітэце.
"Амаль 2 тыс. бежанцаў прадаўжаюць знаходзіцца паблізу беларуска-польскай граніцы. Мінулую ноч яны правялі ў трох месцах: частка з іх засталася на тэрыторыі, прылеглай да пункта пропуску, частка - у стыхійным лагеры ў лесе, - расказалі ў ДПК. - Амаль 1 тыс. чалавек, якія найбольш пацярпелі ад дзеянняў польскіх сілавікоў, а таксама жанчыны і дзеці ўпершыню за апошнія 9 сутак пераначавалі ў адносна прымальных умовах - у транспартна-лагістычным цэнтры недалёка ад граніцы. Людзей напярэдадні вечарам аглядалі медыкі, па дапамогу на працягу ночы звярнуліся 4 чалавекі".
Беларускі бок забяспечыў бежанцаў гарачым харчаваннем як у лагістычным цэнтры, так і ў лагеры паблізу граніцы ў цёплых палатках. Сіламі ўлад, грамадскіх арганізацый рэгулярна падвозілася вада, цёплыя рэчы, сродкі гігіены і аказвалася іншая гуманітарная дапамога. Людзям, якія прынялі рашэнне начаваць на вуліцы, неаднаразова прапаноўвалася перайсці ў лагістычны цэнтр.
Раніцай 17 лістапада прынята рашэнне аб размяшчэнні часткі іншаземцаў у іншых месцах.
Следчы камітэт праводзіць праверку па факце прымянення спецсродкаў і боепрыпасаў у адносінах да няўзброеных грамадзян на тэрыторыі пункта пропуску "Брузгі".-0-