ДЗЯРЖОРГАНЫДЗЯРЖОРГАНЫ
Флаг Панядзелак, 27 чэрвеня 2022
Мінск Ясна +20°C
Усе навіны
Усе навіны
Грамадства
26 мая 2022, 18:27

ДМК даў рэкамендацыі перавозчыкам, як мінімізаваць час чакання на граніцы

Фота з архіва
Фота з архіва

26 мая, Мінск /Кар. БЕЛТА/. Дзяржаўны мытны камітэт даў рэкамендацыі перавозчыкам, як мінімізаваць час чакання на граніцы, паведамляе БЕЛТА.

"Апошнім часам фіксуецца вялікая колькасць грузавых транспартных сродкаў як на ўезд, так і на выезд з краіны. Найбольш крытычнай цяпер з'яўляецца сітуацыя на беларуска-літоўскім напрамку. Пры гэтым чэргі на выезд чарговы раз звязаны з невыкананнем сумежным бокам устаноўленых дамоўленасцей аб прыёме аўтамабіляў, якія прыбываюць на яго тэрыторыю. З мэтай мінімізацыі часу чакання грузавых транспартных сродкаў, якія ідуць праз мытную граніцу ЕАЭС у Беларусь на ўезд, рэкамендуем выбіраць для ажыццяўлення грузавых аперацый (перачэпкі) спецыяльна ўстаноўленыя месцы з найменшай загружанасцю", - сказалі ў ДМК. Інфармацыя аб чэргах у такіх месцах прадстаўлена на адзіным інтэрнэт-партале мытных органаў.

Для скарачэння чаргі на ўезд праз пункт пропуску "Каменны Лог" і ажыццяўленне грузавых аперацый у пункце мытнага афармлення "Каменны Лог-Белмытнясэрвіс" рэкамендуецца пры выбары маршруту руху выбіраць альтэрнатыўныя пункты пропуску. Напрыклад, аўтамабільны пункт пропуску "Прывалка", прыбываючы праз які перачэпку можна зрабіць у ПМА "Брузгі-ТЛЦ", зоне чакання сістэмы электроннай чаргі транспартных сродкаў "Брузгі" і ПМА "Гродна-ГАП-2", дзе чэргі адсутнічаюць.

ДМК просіць улічваць гэту інфармацыю і пры выбары маршруту руху аддаваць перавагу пунктам пропуску з найменшай загружанасцю як на ўезд, так і на выезд з краіны.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі