Мабільная версія
ДЗЯРЖОРГАНЫ

Апошнія навіны
Усе навіны

Для вырашэння большасці пытанняў насельніцтва дастаткова моцнага гаспадарчага падыходу - Шулейка

Грамадства 20.06.2019 | 09:20
Юрый Шулейка. Фота з архіва
Юрый Шулейка. Фота з архіва

20 чэрвеня, Гомель /Кар. БЕЛТА/. Для вырашэння большасці пытанняў, што паступаюць ад грамадзян, дастаткова моцнага гаспадарчага падыходу. Такое меркаванне выказаў памочнік Прэзідэнта - інспектар па Гомельскай вобласці Юрый Шулейка пасля заканчэння прамой тэлефоннай лініі з насельніцтвам паўднёва-ўсходняга рэгіёна, перадае карэспандэнт БЕЛТА.

Усяго на працягу дзвюх гадзін магчымасць агучыць злабадзённыя тэмы непасрэдна памочніку Прэзідэнта - інспектару па Гомельскай вобласці скарысталіся 37 чалавек. "30 з 37 пытанняў будуць вырашаны практычна адразу. Усе яны аб'ектыўныя, жыццёвыя і вырашальныя. Пры гэтым не патрабуюць сур'ёзных капітальных укладанняў. Дастаткова моцнага гаспадарчага падыходу", - падкрэсліў Юрый Шулейка.

Шмат пытанняў датычылася ўтрымання дарог. Так, гараджанка Ганна Івахненка абазначыла складанасці праезду з-за нездавальняючага стану дарогі да вёскі Нагорная Гомельскага раёна, дзе жыве яе састарэлая маці. "Да Радаўніцы дарогу да Стукачоўскіх могілак проста выгладзілі. А вось далей - бяда. Нават машыны хуткай дапамогі вымушаны зніжаць скорасць, каб пераадолець гэты ўчастак. Прашу хаця б зрабіць падсыпку", - звярнулася жанчына. Юрый Шулейка падкрэсліў, што пытанне будзе дэталёва вывучана ў бліжэйшы час, рашэнне па ім прымуць.

Падобную тэму агучыла і шматдзетная маці з вёскі Раманавічы. Яе дом знаходзіцца паблізу дарогі. Актывізавалася індывідуальнае будаўніцтва, а ў сувязі з гэтым і рух аўтатранспарту. "У спёку падымаюцца клубы пылу, якім вымушаны дыхаць дзеці. Часткова гэту праблему здыме падсыпка дарогі", - удакладніла шматдзетная маці.

Гамяльчанка Вольга Цярэшчанка звярнула ўвагу на правалы памерам 20-30 см каля люка ў адным з двароў па вуліцы Малайчука абласнога цэнтра. Гэта вельмі небяспечна не толькі для дзяцей, але і для дарослых. "Выедзем сёння ж, паглядзім. Зробім усё, што патрэбна", - запэўніў Юрый Шулейка.

Таксама былі абазначаны пытанні паляпшэння жыллёвых умоў, у тым ліку шматдзетных сем'яў і дзяцей-сірот, землеўпарадкавання і азелянення, ЖКГ, адкрыцця магазінаў крокавай даступнасці. Актыўна выкладалі сваю пазіцыю жыхары Добрушскага, Гомельскага, Хойніцкага раёнаў, а таксама абласнога цэнтра.

Індыкатарам праводзімай на месцах работы сталі тры падзякі. Напрыклад, жыхарка Касцюкоўкі выказала словы ўдзячнасці за чыстую ваду, праведзеную жыхарам гэтай часткі Чыгуначнага раёна абласнога цэнтра. Пры ўдзеле гарадскіх улад удалося рэалізаваць сур'ёзныя праекты па водазабеспячэнні і арганізаваць падачу вады належнай якасці для спажыўцоў Касцюкоўкі ад водазабораў Гомеля. Таксама жанчына дзякавала за роўныя дарогі ў мікрараёне. "Проста ідэальныя, душа радуецца, калі едзеш", - сказала на заканчэнне гараджанка. А сям'я з Абакумаў Лоеўскага раёна шчыра парадавалася за падтрымку дзяржавы ў развіцці аграэкатурызму, выказаўшы свае пажаданні па ўрэгуляванні некаторых нюансаў з выдачай спецыяльных пропускаў для замежных гасцей, якія наведваюць іх аграсядзібу.

Прыняўшы значны аб'ём пытанняў, памочнік Прэзідэнта Беларусі - інспектар па Гомельскай вобласці адзначыў, што толькі два з іх былі паўторнымі.

Перад прамой лініяй была пастаўлена задача выслухаць максімальна магчымую колькасць грамадзян. Далей іх праблемы будуць дэталёва разбірацца на месцах. Па кожным агучаным пытанні назначаны адказныя спецыялісты. Пры гэтым Юрый Шулейка акцэнтаваў увагу прадстаўнікоў розных службаў і ведамстваў, якія прысутнічалі на прамой лініі, што адказы павінны быць поўныя і разгорнутыя, выключаць неабходнасць у паўторным звароце грамадзян па адной і той жа падставе.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Нарыхтоўка ягад, грыбоў і плодаагародніннай прадукцыі ў насельніцтва За 9 месяцаў 2019 года арганізацыямі спажывецкай кааперацыі закуплена сельгаспрадукцыі і сыравіны на суму Br258 млн (у тым ліку насельніцтву выплачана за здадзеную прадукцыю і сыравіну Br157 млн).