Дэпутаты разгледзяць у першым чытанні законапраект па пытаннях занятасці насельніцтва

27 лютага, Мінск /Кар. БЕЛТА/. Чарговае пасяджэнне дзясятай сесіі Палаты прадстаўнікоў Нацыянальнага сходу Рэспублікі Беларусь сёмага склікання пройдзе 28 лютага. Аб гэтым БЕЛТА паведамілі ў прэс-службе Палаты прадстаўнікоў.

У першым чытанні плануецца разгледзець праекты законаў "Аб змяненні законаў па пытаннях занятасці насельніцтва", "Аб акрэдытацыі ў Нацыянальнай сістэме акрэдытацыі Рэспублікі Беларусь", "Аб змяненні Закона Рэспублікі Беларусь "Аб мытным рэгуляванні ў Рэспубліцы Беларусь".

У другім чытанні будуць разгледжаны законапраекты "Аб змяненні законаў па пытаннях забеспячэння нацыянальнай бяспекі", "Аб адказным абыходжанні з жывёламі", "Аб змяненні Закона Рэспублікі Беларусь "Аб гандлёва-прамысловай палаце", "Аб змяненні Закона Рэспублікі Беларусь "Аб крэдытных гісторыях", "Аб змяненні Закона Рэспублікі Беларусь "Аб процідзеянні манапалістычнай дзейнасці і развіцці канкурэнцыі".-0-