18 верасня, Мінск /Кар. БЕЛТА/. 19 верасня адбудзецца адкрыццё дзясятай сесіі Палаты прадстаўнікоў Нацыянальнага сходу Рэспублікі Беларусь сёмага склікання. Аб гэтым БЕЛТА паведамілі ў прэс-службе Палаты прадстаўнікоў.
У першым чытанні заканадаўцы маюць намер разгледзець законапраекты "Аб змяненні законаў па пытаннях кіравання жыллёвым фондам і яго эксплуатацыі", "Аб змяненні Закона Рэспублікі Беларусь "Аб дзяржаўных закупках тавараў (работ, паслуг)", "Аб змяненні законаў па пытаннях ліцэнзавання", "Аб змяненні Закона Рэспублікі Беларусь "Аб натарыяце і натарыяльнай дзейнасці", "Аб змяненні Закона Рэспублікі Беларусь "Аб дарожным руху".
У другім чытанні будуць разгледжаны законапраекты "Аб змяненні законаў па пытаннях аховы здароўя", "Аб змяненні Закона Рэспублікі Беларусь "Аб адзінай дзяржаўнай сістэме рэгістрацыі і ўліку правапарушэнняў", "Аб змяненні Закона Рэспублікі Беларусь "Аб каранціне і ахове раслін".
Акрамя таго, прадугледжаны разгляд пытанняў аб ратыфікацыі Пагаднення паміж Рэспублікай Беларусь і Ісламскай Рэспублікай Іран аб перадачы асоб, асуджаных да пазбаўлення волі, для далейшага адбывання пакарання, а таксама аб прыпыненні дзеяння Дагавора аб звычайных узброеных сілах у Еўропе ў адносінах да Рэспублікі Польшча і Чэшскай Рэспублікі і аб прыпыненні дзеяння Пагаднення паміж Рэспублікай Беларусь і Украінай аб рэгуляванні працэсу перасялення і абароне правоў перасяленцаў і членаў іх сем'яў.-0-
