28 студзеня, Мінск /Кар. БЕЛТА/. Чакаем, што эканамічны блок будзе адным з асноўных у Пасланні Прэзідэнта. Аб гэтым заявіў карэспандэнту БЕЛТА старшыня Пастаяннай камісіі па эканамічнай палітыцы Палаты прадстаўнікоў Леанід Брыч, паведамляе карэспандэнт БЕЛТА.
"Чакаем, што эканамічны блок будзе адным з асноўных у Пасланні. Зразумела, будзе ўдзелена ўвага рэферэндуму і тым выклікам, якія ў нас ёсць, у тым ліку нашай нацыянальнай бяспецы, захаванню суверэнітэту, - сказаў Леанід Брыч. - Лічу, што ў эканамічным блоку будзе звернута асноўная ўвага на цэны, інвестыцыі з улікам таго, што ў нас сёння сур'ёзны санкцыйны націск, націск з боку калектыўнага Захаду, ды і нашы суседзі не зусім нармальную пазіцыю займаюць".
Разам з тым парламентарый адзначыў, што ў такіх няпростых умовах у мінулым годзе беларуская эканоміка прадэманстравала нядрэнныя паказчыкі. "Экспарт больш як на 30 працэнтаў вырас, унутраны валавы прадукт выкананы вышэй за прагнозныя паказчыкі. І гэта сёння ставіць пэўную задачу перад намі, каб гэты год мы дастойна пачалі, нацэльваючыся на тыя лічбы, якія ў нас ёсць у асноўных прагнозных паказчыках", - дадаў ён.-0-