Сцяг Чацвер, 23 мая 2024
Усе навіны
Усе навіны
Грамадства
15 красавіка 2024, 13:17

Дэлегат УНС ад моладзі: новыя ідэі заўсёды важныя ў пытаннях стратэгічнага развіцця краіны

Фота з архіва
Фота з архіва
15 красавіка, Мінск /Кар. БЕЛТА/. Новыя ідэі і свежы погляд заўсёды важныя ў пытаннях стратэгічнага развіцця краіны, заявіў карэспандэнту БЕЛТА афіцэр 38-й Брэсцкай асобнай гвардзейскай дэсантна-штурмавой Венскай Чырванасцяжнай брыгады, дэлегат Усебеларускага народнага сходу ад БРСМ Дзмітрый Бялецкі.

"Я дэлегат Усебеларускага народнага сходу ад моладзі і ад Узброеных Сіл, таму што ў нашай 38-й Брэсцкай асобнай гвардзейскай дэсантна-штурмавой брыгадзе моладзь складае больш за 80 працэнтаў асабовага складу, - сказаў Дзмітрый Бялецкі. - На УНС будуць зацвярджацца абноўленыя Канцэпцыя нацыянальнай бяспекі і Ваенная дактрына. З праектамі гэтых дакументаў я ўжо азнаёміўся. Гэта вельмі важныя і стратэгічныя дакументы для далейшага развіцця Беларусі".

Для моладзі адказна і пачэсна быць дэлегатамі УНС, падкрэсліў Дзмітрый Бялецкі. "У моладзі заўсёды шмат ідэй і прапаноў. Новыя ідэі і свежы погляд заўсёды важныя ў пытаннях, якія датычацца стратэгічнага развіцця краіны. Будучыня за маладымі, і мы будзем старацца ўносіць свой уклад у далейшае развіццё краіны", - дадаў ён.-0-
Падпісвайцеся на нас у
Twitter
Топ-навіны
Свежыя навіны Беларусі