Сцяг Аўторак, 25 чэрвеня 2024
Усе навіны
Усе навіны
Грамадства
09 верасня 2022, 14:00

Дэбютную кнігу праекта Саюзнай дзяржавы аб гісторыі і абаронцах Айчыны прадставілі ў Маскве

9 верасня, Масква /Эдуард Півавар - БЕЛТА/. Дэбютную кнігу "Защищая Отечество" выдавецкага праекта "Бібліятэка Саюзнай дзяржавы" прадставілі сёння ў Маскве ў Музеі-панараме "Барадзінская бітва". У ёй сабраны ўнікальныя гістарычныя матэрыялы, прысвечаныя ратным подзвігам Брэсцкага, Віцебскага, Мінскага, Магілёўскага і Полацкага пяхотных палкоў у ходзе Айчыннай вайны 1812 года, паведамляе БЕЛТА.

На мерапрыемстве намеснік міністра інфармацыі Беларусі Ігар Бузоўскі зачытаў прывітанне чытачам ад Прэзідэнта Беларусі Аляксандра Лукашэнкі. "Праўда аб падзеях мінулага - адна з асноў, на якіх фарміруецца патрыятызм, і яе захаванне - наш святы абавязак і перад легендарнымі продкамі, і перад будучымі пакаленнямі. Рэспубліка Беларусь, знаходзячыся ў самым цэнтры Еўропы, на стыку заходнееўрапейскай і ўсходнеславянскай цывілізацый, неаднаразова станавілася арэнай бязлітаснага процістаяння. І Айчынная вайна 1812 года - яскравае сведчанне гэтага. Менавіта на тэрыторыі цяперашняй Беларусі былі канчаткова пахаваны амбіцыйныя мары еўрапейскіх заваёўнікаў падпарадкаваць сваёй волі непакорных славян", - гаворыцца ў прывітанні.

Кіраўнік дзяржавы таксама адзначыў сімвалізм таго, што дэбютная кніга саюзнага праекта выходзіць у 2022 годзе, які аб'яўлены ў Беларусі Годам гістарычнай памяці. "Разам - у братэрскім саюзе - беларусы і расіяне заўсёды з гонарам выходзілі з любых выпрабаванняў. Так было, так ёсць і так павінна быць заўсёды", - падкрэсліў беларускі лідар.

Прывітанне арганізатарам і ўдзельнікам урачыстага мерапрыемства з нагоды запуску праекта "Бібліятэка Саюзнай дзяржавы" накіраваў таксама Прэзідэнт Расіі Уладзімір Пуцін. "Цяпер, калі гісторыю ўсё часцей спрабуюць перапісаць, сказіць дзеля палітычнай кан'юнктуры, асабліва важна пашыраць доступ да праўдзівай, дакладнай інфармацыі аб мінулым, захоўваць і перадаваць будучым пакаленням памяць аб ратных подзвігах нашых продкаў, аб іх дасягненнях у навуцы, культуры, мастацтве і іншых сферах", - заявіў кіраўнік расійскай дзяржавы.

"Тое, што ў адрас нашага мерапрыемства і чытачоў першага выдання "Бібліятэкі Саюзнай дзяржавы" звярнуліся прэзідэнты Беларусі і Расіі Аляксандр Лукашэнка і Уладзімір Пуцін сведчыць аб адзінстве пазіцый па абароне гістарычнай праўды, гістарычнай памяці, якую нязменна паказваюць кіраўнік дзяржаў, асабліва апошнім часам, калі мы зведваем беспрэцэдэнтны націск і спробы Захаду прымусіць нас перапісаць нашу гісторыю, забыць нашы гераічныя старонкі", - адзначыў на прэзентацыі дзяржаўны сакратар Саюзнай дзяржавы Дзмітрый Мезенцаў.

Ён нагадаў, што першая кніга праекта выдадзена па ініцыятыве міністраў замежных спраў Беларусі і Расіі Уладзіміра Макея і Сяргея Лаўрова, якія таксама накіравалі свае прывітанні ўдзельнікам мерапрыемства. Паводле слоў Дзмітрыя Мезенцава, у зборніку прадстаўлены ўнікальныя матэрыялы, многія з якіх публікуюцца ўпершыню. "Задумваўся гэты праект не проста як набор фактаў, але і каб запрасіць тысячы людзей да абмеркавання і асэнсавання старонак адзінай беларуска-расійскай гісторыі, - сказаў дзяржсакратар. - Гэта спроба ўгледзецца ў глыбіню стагоддзяў, пераканацца, што тыя факты, якія нам навязваюць з Захаду, няшчырыя і не заўсёды сумленныя. І зразумела, што першая кніга бібліятэкі прысвечана ратнаму подзвігу, які дзіўнымі старонкамі мужнасці і гераізму ўпісаны ў гісторыю".

"У аснове ідэі кнігі - любоў да роднай зямлі, безумоўныя каштоўнасці суверэнітэту, цвёрдая вера ў адзінства гістарычнага шляху розных народаў, якія плячо ў плячо абараняюць агульную Радзіму. Вось аб гэтым у тым ліку расказвае названая кніга", - дадаў кіраўнік Расійскага гістарычнага таварыства, дырэктар Службы знешняй разведкі РФ Сяргей Нарышкін.

Прэзентацыя першага зборніка праекта "Бібліятэка Саюзнай дзяржавы" сабрала бачных дзяржаўных дзеячаў, дыпламатаў і вучоных з Беларусі і Расіі. У далейшым серыю плануецца прадоўжыць кнігамі, якія расказваюць аб старонках Вялікай Айчыннай вайны, пакарэнні космасу і многім іншым.-0-

Падпісвайцеся на нас у
Twitter
Топ-навіны
Свежыя навіны Беларусі