![](https://blr.belta.by/images/storage/news/with_archive/2024/000022_1721045796_133530_big.jpg)
15 ліпеня, Мінск /Кар. БЕЛТА/. Дажджы з навальніцамі, град і да плюс 36 градусаў чакаецца ў Беларусі 16-21 ліпеня. Аб гэтым паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
"Мінулыя выхадныя прайшлі пад акампанемент навальніц - трапічная гарачыня змянялася трапічнымі ліўнямі. Месцамі навальніцы і моцныя ліўні суправаджаліся шквалістым узмацненнем ветру парывамі 15-24 м/с, у нядзелю ў асобных раёнах Гомельскай і Магілёўскай абласцей парывы ветру дасягалі 25-27 м/с (Гомель - 29 м/с). У асобных раёнах рэспублікі адзначаўся град. Такі разгул стыхіі стаў прычынай шматлікіх разбурэнняў у розных рэгіёнах нашай краіны. На гэтым тыдні без дажджоў не абыдзецца, а тэмпературны рэжым па-ранейшаму будзе павышаны", - расказалі ў Белгідрамеце.
У аўторак, 16 ліпеня, у няўстойлівай паветранай масе будуць развівацца масівы кучава-дажджавой воблачнасці, якія абумовяць месцамі па рэспубліцы кароткачасовыя дажджы з навальніцамі. Ноччу і раніцай у асобных раёнах згусціцца туман. Тэмпература паветра ўначы складзе плюс 15-21 градус, удзень - 28-34 градусы цяпла, а па поўдні месцамі - плюс 35 градусаў.
У сераду, 17 ліпеня, тэрыторыя Беларусі апынецца пад уплывам актыўнай сістэмы атмасферных франтоў, якая перамяшчаецца з паўднёвага захаду Еўропы. На большай частцы тэрыторыі рэспублікі пройдуць кароткачасовыя дажджы, месцамі чакаюцца моцныя дажджы, прагрымяць навальніцы, у асобных раёнах магчымы град. Пры навальніцах будзе ўзмацняцца вецер парывамі 15-20 м/с. Ноччу і раніцай месцамі згусціцца слабы туман. Тэмпература паветра ўначы будзе ў межах ад плюс 15 градусаў да плюс 22 градусаў, а ўдзень - ад 24 да 31 градуса вышэй за нуль. Па паўднёвым усходзе чакаецца плюс 32-36 градусаў.
У чацвер, 18 ліпеня, атмасферны фронт перамесціцца за межы рэспублікі. Фон атмасфернага ціску пачне расці, таму дажджы зноў прымуць лакальны характар і будуць размяркоўвацца па тэрыторыі краіны нераўнамерна. Месцамі магчымы навальніцы. У начны і ранішні час у асобных раёнах згусціцца слабы туман. Ноччу слупкі пакажуць 14-20 градусаў цяпла, а па паўднёвым усходзе - да плюс 22 градусаў. Днём паветра прагрэецца да 23-30 градусаў.
У пятніцу, 19 ліпеня, надвор'е будзе пераважна без ападкаў. Ноччу і раніцай у асобных раёнах згусціцца слабы туман. Тэмпература паветра ўначы дасягне плюс 11-18 градусаў, а ўдзень - 22-29 градусаў вышэй за нуль.
У суботу, 20 ліпеня, ноччу месцамі па поўначы, а днём у паўночных і цэнтральных раёнах рэспублікі пройдуць кароткачасовыя дажджы. Удзень у асобных раёнах навальніцы. Ноччу і раніцай месцамі згусціцца слабы туман. Тэмпература паветра ўначы будзе вагацца ад 11 да 16 градусаў цяпла, а ўдзень - ад плюс 19 градусаў па поўначы да плюс 29 градусаў па паўднёвым захадзе.
У нядзелю, 21 ліпеня, месцамі па рэспубліцы прагназуюцца кароткачасовыя дажджы, удзень магчымы навальніцы. У начны і ранішні час у асобных раёнах згусціцца слабы туман. Ноччу сіноптыкі абяцаюць плюс 10-16 градусаў, а днём - ад 21 градуса па паўночным усходзе да 30 градусаў цяпла па паўднёвым захадзе.-0-
"Мінулыя выхадныя прайшлі пад акампанемент навальніц - трапічная гарачыня змянялася трапічнымі ліўнямі. Месцамі навальніцы і моцныя ліўні суправаджаліся шквалістым узмацненнем ветру парывамі 15-24 м/с, у нядзелю ў асобных раёнах Гомельскай і Магілёўскай абласцей парывы ветру дасягалі 25-27 м/с (Гомель - 29 м/с). У асобных раёнах рэспублікі адзначаўся град. Такі разгул стыхіі стаў прычынай шматлікіх разбурэнняў у розных рэгіёнах нашай краіны. На гэтым тыдні без дажджоў не абыдзецца, а тэмпературны рэжым па-ранейшаму будзе павышаны", - расказалі ў Белгідрамеце.
У аўторак, 16 ліпеня, у няўстойлівай паветранай масе будуць развівацца масівы кучава-дажджавой воблачнасці, якія абумовяць месцамі па рэспубліцы кароткачасовыя дажджы з навальніцамі. Ноччу і раніцай у асобных раёнах згусціцца туман. Тэмпература паветра ўначы складзе плюс 15-21 градус, удзень - 28-34 градусы цяпла, а па поўдні месцамі - плюс 35 градусаў.
У сераду, 17 ліпеня, тэрыторыя Беларусі апынецца пад уплывам актыўнай сістэмы атмасферных франтоў, якая перамяшчаецца з паўднёвага захаду Еўропы. На большай частцы тэрыторыі рэспублікі пройдуць кароткачасовыя дажджы, месцамі чакаюцца моцныя дажджы, прагрымяць навальніцы, у асобных раёнах магчымы град. Пры навальніцах будзе ўзмацняцца вецер парывамі 15-20 м/с. Ноччу і раніцай месцамі згусціцца слабы туман. Тэмпература паветра ўначы будзе ў межах ад плюс 15 градусаў да плюс 22 градусаў, а ўдзень - ад 24 да 31 градуса вышэй за нуль. Па паўднёвым усходзе чакаецца плюс 32-36 градусаў.
У чацвер, 18 ліпеня, атмасферны фронт перамесціцца за межы рэспублікі. Фон атмасфернага ціску пачне расці, таму дажджы зноў прымуць лакальны характар і будуць размяркоўвацца па тэрыторыі краіны нераўнамерна. Месцамі магчымы навальніцы. У начны і ранішні час у асобных раёнах згусціцца слабы туман. Ноччу слупкі пакажуць 14-20 градусаў цяпла, а па паўднёвым усходзе - да плюс 22 градусаў. Днём паветра прагрэецца да 23-30 градусаў.
У пятніцу, 19 ліпеня, надвор'е будзе пераважна без ападкаў. Ноччу і раніцай у асобных раёнах згусціцца слабы туман. Тэмпература паветра ўначы дасягне плюс 11-18 градусаў, а ўдзень - 22-29 градусаў вышэй за нуль.
У суботу, 20 ліпеня, ноччу месцамі па поўначы, а днём у паўночных і цэнтральных раёнах рэспублікі пройдуць кароткачасовыя дажджы. Удзень у асобных раёнах навальніцы. Ноччу і раніцай месцамі згусціцца слабы туман. Тэмпература паветра ўначы будзе вагацца ад 11 да 16 градусаў цяпла, а ўдзень - ад плюс 19 градусаў па поўначы да плюс 29 градусаў па паўднёвым захадзе.
У нядзелю, 21 ліпеня, месцамі па рэспубліцы прагназуюцца кароткачасовыя дажджы, удзень магчымы навальніцы. У начны і ранішні час у асобных раёнах згусціцца слабы туман. Ноччу сіноптыкі абяцаюць плюс 10-16 градусаў, а днём - ад 21 градуса па паўночным усходзе да 30 градусаў цяпла па паўднёвым захадзе.-0-