26 верасня, Мінск /Кар. БЕЛТА/. Дажджы з туманам на рабочым тыдні і да плюс 21 градуса ў выхадныя чакаецца ў Беларусі з 27 верасня па 2 кастрычніка. Аб гэтым БЕЛТА паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
"Мінулыя выхадныя ў Беларусі былі халаднаватымі. Сярэднія значэнні тэмпературы паветра былі на 1-4 градусы ніжэйшыя за кліматычную норму. На гэтым тыдні ў нашай краіне намячаецца тэндэнцыя да пацяплення, пры гэтым без дажджоў не абыдзецца. У большасці дзён неба будзе зацягнута воблачнасцю атмасферных франтоў, якія будуць прыносіць усё новыя і новыя порцыі ападкаў. Але разам з тым з паўднёвымі патокамі ў Беларусь чакаецца паступленне даволі цёплых паветраных мас, таму дзённая тэмпература паветра павысіцца да 11-17 градусаў", - расказалі ў Белгідрамеце.
Паводле слоў сіноптыкаў, у другой палавіне тыдня пераважна ў паўднёвых і паўднёва-ўсходніх раёнах Беларусі паветра ў сярэдзіне дня будзе прагравацца да 18-21 градуса. Толькі ў асобныя дні пры больш шчыльнай воблачнасці і дажджах месцамі па краіне максімумы не перавысяць плюс 9-10 градусаў. Акрамя таго, у начныя і ранішнія гадзіны ў асобных раёнах рэспублікі будзе згушчацца туман.
У аўторак, 27 верасня, пераважна па паўднёва-ўсходняй палавіне краіны пройдуць кароткачасовыя дажджы. У начныя і ранішнія гадзіны ў асобных раёнах магчымы туман. Тэмпература паветра ноччу будзе вагацца ад плюс 3 градусаў па паўночным усходзе да плюс 11 градусаў па поўдні. Максімальная тэмпература днём складзе 11-17 градусаў цяпла.
У сераду, 28 верасня, на большай частцы тэрыторыі рэспублікі чакаюцца дажджы. Тэмпература паветра ноччу складзе плюс 4-11 градусаў, а днём - плюс 9-16 градусаў.
У чацвер, 29 верасня, на большай частцы тэрыторыі краіны пройдуць дажджы. У начныя і ранішнія гадзіны ў асобных раёнах магчымы слабы туман. Ноччу тэмпература паветра панізіцца да плюс 4-10 градусаў. Днём паветра прагрэецца да 11-16 градусаў, а па поўдні - да 18 градусаў.
У пятніцу, 30 верасня, на большай частцы тэрыторыі Беларусі прагназуюцца дажджы. Ноччу і раніцай у асобных раёнах туман. Тэмпература паветра ноччу будзе вагацца ад плюс 5 да плюс 12 градусаў. Максімальная тэмпература днём складзе плюс 12-18 градусаў. Па поўдні краіны паветра прагрэецца да 20 градусаў.
У суботу, 1 кастрычніка, у многіх раёнах рэспублікі пройдуць дажджы. У начныя і ранішнія гадзіны месцамі магчымы туман. Ноччу тэмпература паветра будзе вагацца ад плюс 5 градусаў па поўначы да плюс 14 градусаў па поўдні. Днём чакаецца ад плюс 11 градусаў у паўночных раёнах краіны да плюс 21 градуса ў паўднёва-ўсходніх.
У нядзелю, 2 кастрычніка, у многіх раёнах Беларусі прагназуюцца дажджы. Ноччу і раніцай месцамі будзе туман. Тэмпература паветра ноччу складзе плюс 7-14 градусаў, а днём плюс 9-16 градусаў. Па ўсходзе краіны месцамі слупок тэрмометра паднімецца да 18 градусаў цяпла.-0-