21 мая, Мінск /Кар. БЕЛТА/. Дажджы і парывісты вецер чакаюцца ў Беларусі 22 мая, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У пятніцу будзе пераважаць воблачнае надвор'е. На большай частцы тэрыторыі краіны пройдуць кароткачасовыя дажджы, уначы месцамі магчымы мокры снег. Вецер прагназуецца паўночна-заходні, паўночны 5-10 м/с, з парывамі да 14 м/с.
Тэмпература паветра ўначы складзе 1-6 градусаў вышэй за нуль, удзень будзе 7-13 градусаў цяпла.-0-