8 чэрвеня, Мінск /Кар. БЕЛТА/. Дажджы і навальніцы чакаюцца ў Беларусі 9 чэрвеня, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У пятніцу будзе пераменная воблачнасць. Ноччу пераважна без ападкаў, раніцай і днём месцамі, а па паўднёва-ўсходняй палавіне ў многіх раёнах пройдуць кароткачасовыя дажджы. У дзённыя гадзіны месцамі магчымы навальніцы, а ў паўднёвых раёнах - моцныя дажджы. Ноччу і раніцай у асобных раёнах згусціцца слабы туман. Вецер пераменных напрамкаў ноччу слабы, днём 4-9 м/с, пры навальніцах парывы да 14 м/с.
Тэмпература паветра ўначы складзе плюс 9-15 градусаў, месцамі - 6-8 градусов. Днём паветра прагрэецца да 24-29 градусаў, а па поўначы будзе 20-23 градусы.
У Белгідрамеце папярэдзілі, што на большай частцы тэрыторыі Мінскай, Магілёўскай і Гомельскай абласцей, а на астатняй тэрыторыі краіны месцамі захаваецца надзвычайная пажарная небяспека (5 клас). У сувязі з гэтым аб'яўлены чырвоны ўзровень небяспекі.-0-
