14 чэрвеня, Мінск /Кар. БЕЛТА/. Дажджы і навальніцы чакаюцца ў Беларусі 14 чэрвеня, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У панядзелак будзе пераменная воблачнасць. Уначы на большай частцы тэрыторыі краіны, удзень у асобных раёнах пройдуць кароткачасовыя дажджы. Удзень месцамі магчымы навальніцы. Вецер будзе паўночны ўмераны да парывістага.
Тэмпература паветра ў начны час складзе плюс 8-14 градусаў. Удзень паветра прагрэецца да 18-24 градусаў, па паўднёвым усходзе - да плюс 25-27 градусаў.-0-
