12 мая, Мінск /Кар. БЕЛТА/. Дажджы і навальніцы чакаюцца ў Беларусі 13 мая, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У чацвер будзе воблачна з праясненнямі. На большай частцы тэрыторыі краіны пройдуць дажджы, уначы і раніцай месцамі моцныя дажджы. Удзень у асобных раёнах прагназуюцца навальніцы. Вецер уначы пераменных напрамкаў 3-8 м/с, удзень паўднёва-ўсходні 4-9 м/с, парывы да 14 м/с, месцамі па поўначы 15-20 м/с.
Тэмпература паветра ўначы складзе плюс 5-11 градусаў. Удзень будзе плюс 10-16, па паўднёвым захадзе краіны да 20 градусаў цяпла.-0-
