29 кастрычніка, Мінск /Кар. БЕЛТА/. Дажджы і да плюс 13 градусаў чакаецца ў Беларусі 30 кастрычніка, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У пятніцу чакаецца воблачнае надвор'е, на большай частцы тэрыторыі краіны пройдуць дажджы. У асобных раёнах магчымы туман. Вецер будзе паўднёвы з пераходам на заходні ўначы 2-7 м/с, удзень 5-10 м/с.
Тэмпература паветра ўначы будзе вагацца ад плюс 4 да плюс 10 градусаў. Удзень паветра прагрэецца да 7-13 градусаў.-0-
