Фота з архіва
29 мая, Мінск /Кар. БЕЛТА/. Калі ў грамадзяніна няма магчымасці прыйсці ў банк для адкрыцця базавага рахунку, ён можа скарыстацца паслугамі натарыуса, заказаць дастаўку карткі па пошце або выклікаць банкаўскага работніка дадому, калі банк аказвае такія паслугі. Аб гэтым на прэс-канферэнцыі расказала начальнік галоўнага ўпраўлення плацежнай сістэмы і лічбавых тэхналогій Нацыянальнага банка Таццяна Рускевіч, перадае карэспандэнт БЕЛТА.
"Калі па нейкіх прычынах грамадзянін сам не можа наведваць аддзяленне банка або не можа выкарыстоўваць сістэму дыстанцыйнага банкаўскага абслугоўвання, неабходна назначыць упаўнаважаную асобу. Для гэтага патрэбна звярнуцца да натарыуса і аформіць даверанасць. Натарыусы могуць прыязджаць да грамадзян, якія абмежаваны ў перамяшчэнні", - сказала Таццяна Рускевіч.
У даверанасці павінна быць пазначана, што грамадзянін давярае той ці іншай асобе адкрываць рахункі, у тым ліку базавыя, і атрымліваць да іх банкаўскія карткі. "У даверанасці павінна быць дакладна пазначана, што канкрэтна вы давяраеце гэтаму чалавеку", - падкрэсліла Таццяна Рускевіч.
Акрамя таго, адзначыла яна, можна скарыстацца паслугай дастаўкі карткі, калі такая паслуга ёсць у банку. Дастаўка картак часта забяспечваецца банкамі праз аддзяленні паштовай сувязі. Таццяна Рускевіч звярнула ўвагу на магчымасць выкліку работніка банка дадому, калі банк такія паслугі аказвае.
Такім чынам, ёсць тры магчымасці адкрыць базавы рахунак у тым выпадку, калі няма магчымасці наведаць аддзяленне банка: або натарыус, або дастаўка праз паштовыя аддзяленні, або выклік работніка банка дадому.-0-
З 1 ліпеня для атрымальнікаў пенсій, дапамог сем'ям, якія выхоўваюць дзяцей, дапамог па доглядзе інваліда I групы або асобы, якая дасягнула 80-гадовага ўзросту, пражываючых у Мінску, гарадах абласнога падпарадкавання і раённых цэнтрах, змяняецца парадак іх выплаты.
У даверанасці павінна быць пазначана, што грамадзянін давярае той ці іншай асобе адкрываць рахункі, у тым ліку базавыя, і атрымліваць да іх банкаўскія карткі. "У даверанасці павінна быць дакладна пазначана, што канкрэтна вы давяраеце гэтаму чалавеку", - падкрэсліла Таццяна Рускевіч.
Акрамя таго, адзначыла яна, можна скарыстацца паслугай дастаўкі карткі, калі такая паслуга ёсць у банку. Дастаўка картак часта забяспечваецца банкамі праз аддзяленні паштовай сувязі. Таццяна Рускевіч звярнула ўвагу на магчымасць выкліку работніка банка дадому, калі банк такія паслугі аказвае.
Такім чынам, ёсць тры магчымасці адкрыць базавы рахунак у тым выпадку, калі няма магчымасці наведаць аддзяленне банка: або натарыус, або дастаўка праз паштовыя аддзяленні, або выклік работніка банка дадому.-0-
