3 снежня, Мінск /Кар. БЕЛТА/. Дарожная карта да рацыянальнага рэгулявання хімічных рэчываў распрацавана ў Беларусі. Гэта вынікае з інфармацыі, размешчанай на сайце Навукова-практычнага цэнтра гігіены, паведамляе БЕЛТА.
Дарожная карта, накіраваная на стварэнне ўстойлівага патэнцыялу па рацыянальным рэгуляванні хімічных рэчываў, павышэнне інфармаванасці аб іх уздзеянні на здароўе, была прадстаўлена на 2-м пасяджэнні Глабальнай сеткі СААЗ па хімічных рэчывах і здароўі, якое праходзіла ў анлайн-рэжыме.
Беларусь увайшла ў пяцёрку краін свету (разам з Канадай, Філіпінамі, Іарданіяй, Грузіяй), якія першымі паспяхова распрацавалі і пачалі рэалізацыю такой дарожнай карты.
"У прэзентацыі была адзначана важнасць удзелу Міністэрства аховы здароўя ў рэгуляванні хімічных рэчываў на нацыянальным узроўні, роля сектара аховы здароўя ў міжнародных дыскусіях па хімічных рэчывах", - гаворыцца ў паведамленні.
Да Глабальнай сеткі СААЗ па хімічных рэчывах і здароўі далучыліся звыш 70 дзяржаў-членаў. Першае пасяджэнне сеткі адбылося ў 2018 годзе.-0-