ДЗЯРЖОРГАНЫДЗЯРЖОРГАНЫ
Флаг Чацвер, 23 сакавіка 2023
Мінск +10°C
Усе навіны
Усе навіны
Грамадства
01 лютага 2023, 15:07

Далёкасць трапляння да 500 км і непаражальнасць для ППА. Мінабароны аб перавагах "Іскандэра"

1 лютага, Мінск /Кар. БЕЛТА/. Беларускія ваеннаслужачыя пачалі поўную самастойную эксплуатацыю аператыўна-тактычнага ракетнага комплексу "Іскандэр", які не мае аналагаў у сваім класе ва ўсім свеце. Аб гэтым БЕЛТА паведамілі ў прэс-службе Міністэрства абароны.

У снежні 2022 года Расія перадала Беларусі аператыўна-тактычны ракетны комплекс "Іскандэр", аналагаў якому ў сваім класе не існуе ў свеце. "Іскандэр" можа разагнацца па бездарожжы да 70 км/гадз. Трэба адзначыць, што ў комплексе ёсць і беларускі складнік - шасі Мінскага завода колавых цягачоў.

"Іскандэр" можа выкарыстоўваць балістычныя і крылатыя ракеты, якія прызначаны для розных задач. "Іскандэр" можа з найвышэйшай дакладнасцю паражаць камандныя пункты, базы, падземныя бункеры і іншыя аб'екты праціўніка. Усё гэта магчыма дзякуючы ўнікальнай сістэме навядзення і кіравання ракетай на працягу ўсяго палёту. Акрамя таго, высокая далёкасць стральбы дае магчымасць выкарыстоўваць комплекс з глыбіні размяшчэння войскаў.

"Іскандэр" практычна непаражальны для войскаў праціўніка дзякуючы малому часу знаходжання на стартавай пазіцыі і сродкам зніжэння радыёлакацыйнай прыметнасці. У ракетных войсках, куды АТРК паступіў на ўзбраенне, была загадзя створана неабходная інфраструктура. Разлікі абучаны і ўкамплектаваны афіцэрамі, прапаршчыкамі і ваеннаслужачымі, якія служаць па кантракце.

"Для таго каб кіраваць гэтым унікальным комплексам, беларускія ваеннаслужачыя прайшлі абучэнне ў Расіі. Пасля завяршэння тэарэтычнага курса абучэння была ажыццёўлена іх практычная падрыхтоўка на палігоне Асіповіцкі. У Рэспубліцы Беларусь знаходзіцца дастатковы запас ракет да комплексу, які дазволіць выканаць любую задачу на далёкасці да 500 км. У лінейцы сродкаў агнявога паражэння ракетных войскаў Узброеных Сіл не хапала менавіта такога комплексу, здольнага выконваць задачы на далёкасць больш за 300 км", - расказаў начальнік ракетных войскаў і артылерыі Узброеных Сіл - начальнік упраўлення ракетных войскаў і артылерыі Генеральнага штаба Узброеных Сіл палкоўнік Руслан Чэхаў.

Руслан Чэхаў дадаў, што афіцэры ўпраўлення ракетных войскаў і артылерыі Генштаба Узброеных Сіл пастаянна сочаць за вопытам сучасных узброеных канфліктаў. Цяпер у Беларусі рэалізуецца шэраг напрамкаў па развіцці ракетных войскаў і артылерыі. Перш за ўсё гэта датычыцца высокадакладнай зброі. Беларускія ваенныя ўжо атрымалі "Іскандэр", а прадпрыемствы Дзяржкамваенпрама працуюць над удасканаленнем мадэрнізаванай рэактыўнай сістэмы залпавага агню "Паланэз-М".

"Другі напрамак - гэта развіццё аўтаматызаванай сістэмы кіравання артылерыйскімі падраздзяленнямі тактычнага ўзроўню. Элементы сістэмы ў войсках прадстаўлены комплексам камандзірскіх машын кіравання агнём артылерыі "Цэнтурыён". Сістэма кіравання пастаянна ўдасканальваецца, вядуцца доследна-канструктарскія работы па распрацоўцы новых узораў", - звярнуў увагу Руслан Чэхаў. Паводле яго слоў, вялікая ўвага ўдзяляецца развіццю сродкаў артылерыйскай разведкі.

Вопыт спецаперацыі ва Украіне пацвярджае, што савецкія артылерыйскія сістэмы (2С1 "Гваздзік", 2С3 "Акацыя", 2С5 "Гіяцынт", БМ-21 "Град") пры ўмове іх мадэрнізацыі паказваюць вельмі добрыя вынікі. Над іх удасканаленнем працуюць на прадпрыемствах абароннага комплексу Расіі і Беларусі. Начальнік ракетных войскаў і артылерыі Узброеных Сіл звярнуў увагу, што не менш значным напрамкам з'яўляецца развіццё форм і спосабаў прымянення ракетных войскаў і артылерыі. І ў гэтым пытанні работа ідзе пастаянна.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі