26 красавіка, Мінск /Кар. БЕЛТА/. ДАІ ў гэтыя выхадныя ўзмоцніць кантроль каля месцаў масавага адпачынку, паведамілі БЕЛТА ва УДАІ МУС Беларусі.
"Паводле прагнозу сіноптыкаў у выхадныя будзе цёплае надвор'е. Многія грамадзяне захочуць правесці ўік-энд на прыродзе ў месцах адпачынку і паблізу вадаёмаў. У сувязі з гэтым нарады ДАІ будуць знаходзіцца каля такіх месцаў, дзе забяспечаць грамадскі парадак і бяспеку дарожнага руху", - адзначылі ў ДАІ. Інспектары ДПС пракантралююць фізічны стан вадзіцеляў, выкананне правіл стаянкі.
Акрамя таго, у выхадныя, а таксама на працягу вялікіх майскіх свят супрацоўнікі ДАІ возьмуць пад асаблівы кантроль загарадныя трасы, аўтамабільныя дарогі, якія праходзяць праз населеныя пункты, вуліцы і дарогі гарадоў. Асаблівую ўвагу ўдзеляць выяўленню нецвярозых удзельнікаў дарожнага руху (вадзіцеляў, веласіпедыстаў і пешаходаў), бяспраўнікаў і пешаходаў-парушальнікаў.-0-