11 студзеня, Мінск /Кар. БЕЛТА/. Паводле інфармацыі Белгідрамета, на большай частцы тэрыторыі краіны ўжо ў бліжэйшую ноч чакаецца паніжэнне тэмпературы паветра да мінус 20 градусаў, месцамі - да мінус 25 градусаў, на дарогах снежны накат, галалёдзіца. У ГУ ДАІ МУС нагадалі аўтамабілістам аб мерах бяспекі ў час такога надвор'я, паведамляе БЕЛТА.
Як адзначылі дзяржаўтаінспектары, у такое надвор'е для аўтамабілістаў да снежных заносаў дадаюцца праблемы з запускам рухавіка, абмярзаннем шкла, дзвярэй і замкоў. Каб пазбегнуць непрыемных сітуацый на дарозе, ДАІ рэкамендуе праверыць стан акумулятара, пераканацца ў спраўнасці сістэмы ахалоджвання рухавіка, ацяплення салона, абдзімання і абагравання шкла.
Зімовыя шыны павінны быць з дастатковай велічынёй пратэктара, а бачок абмывальніка запраўлены незамярзаючай вадкасцю. Перад паездкай важна ачысціць аўтамабіль ад снегу і лёду, мець у машыне шчотку са скрабком, шуфель, трос, правады для "прыкурвання", адзначылі дзяржаўтаінспектары.
У моцны мароз рэкамендуецца павялічыць час прагрэву рухавіка, першы час рухацца не спяшаючыся, без рэзкага павелічэння абаротаў. У дарозе важна выбіраць бяспечную скорасць з улікам стану праезнай часткі, павялічыць дыстанцыю і бакавы інтэрвал, для пазбягання заносу манеўраваць, разганяцца і запавольвацца плаўна.
Пешаходам нават на рэгуляваным пераходзе трэба ўпэўніцца, што вадзіцелі іх бачаць і паспеюць спыніцца.
Па ўказанні міністра ўнутраных спраў Івана Кубракова супрацоўнікі органаў унутраных спраў і ваеннаслужачыя ўнутраных войскаў МУС прадаўжаюць аказваць садзейнічанне дарожным і камунальным службам у прыбіранні снегу, а таксама дапамагаць аўтааматарам, якія трапілі ў цяжкую сітуацыю.
"Не пакідайце свае транспартныя сродкі ўздоўж праезнай часткі і ў дварах, дзе яны могуць перашкодзіць снегаўборачнай тэхніцы, да парушальнікаў будуць прымяняцца меры эвакуацыі", - падкрэслілі ў МУС.
Аўтаўладальнікам, якія трапілі ў нязначныя ДТЗ, рэкамендуецца складаць еўрапратаколы. Атрымаць кругласутачную кансультацыю па правілах іх афармлення можна ў кол-цэнтры Беларускага бюро па транспартным страхаванні па нумары 140.
"Калі вы апынуліся ў цяжкай сітуацыі на дарозе, паведаміце аб гэтым па тэлефоне 102 або ў чат-бот МУС "Мы заўсёды побач!", - рэзюмавалі ў МУС.-0-
Як адзначылі дзяржаўтаінспектары, у такое надвор'е для аўтамабілістаў да снежных заносаў дадаюцца праблемы з запускам рухавіка, абмярзаннем шкла, дзвярэй і замкоў. Каб пазбегнуць непрыемных сітуацый на дарозе, ДАІ рэкамендуе праверыць стан акумулятара, пераканацца ў спраўнасці сістэмы ахалоджвання рухавіка, ацяплення салона, абдзімання і абагравання шкла.
Зімовыя шыны павінны быць з дастатковай велічынёй пратэктара, а бачок абмывальніка запраўлены незамярзаючай вадкасцю. Перад паездкай важна ачысціць аўтамабіль ад снегу і лёду, мець у машыне шчотку са скрабком, шуфель, трос, правады для "прыкурвання", адзначылі дзяржаўтаінспектары.
У моцны мароз рэкамендуецца павялічыць час прагрэву рухавіка, першы час рухацца не спяшаючыся, без рэзкага павелічэння абаротаў. У дарозе важна выбіраць бяспечную скорасць з улікам стану праезнай часткі, павялічыць дыстанцыю і бакавы інтэрвал, для пазбягання заносу манеўраваць, разганяцца і запавольвацца плаўна.
Пешаходам нават на рэгуляваным пераходзе трэба ўпэўніцца, што вадзіцелі іх бачаць і паспеюць спыніцца.
Па ўказанні міністра ўнутраных спраў Івана Кубракова супрацоўнікі органаў унутраных спраў і ваеннаслужачыя ўнутраных войскаў МУС прадаўжаюць аказваць садзейнічанне дарожным і камунальным службам у прыбіранні снегу, а таксама дапамагаць аўтааматарам, якія трапілі ў цяжкую сітуацыю.
"Не пакідайце свае транспартныя сродкі ўздоўж праезнай часткі і ў дварах, дзе яны могуць перашкодзіць снегаўборачнай тэхніцы, да парушальнікаў будуць прымяняцца меры эвакуацыі", - падкрэслілі ў МУС.
Аўтаўладальнікам, якія трапілі ў нязначныя ДТЗ, рэкамендуецца складаць еўрапратаколы. Атрымаць кругласутачную кансультацыю па правілах іх афармлення можна ў кол-цэнтры Беларускага бюро па транспартным страхаванні па нумары 140.
"Калі вы апынуліся ў цяжкай сітуацыі на дарозе, паведаміце аб гэтым па тэлефоне 102 або ў чат-бот МУС "Мы заўсёды побач!", - рэзюмавалі ў МУС.-0-
Падпісвайцеся на нас у
