Фота з архіва
26 чэрвеня, Мінск /Кар. БЕЛТА/. Электронны пашпарт могуць увесці для ўсіх аўто ў Беларусі, паведаміў журналістам начальнік аддзялення рэгістрацыйна-экзаменацыйнай дзейнасці і тэхнічнага нагляду ўпраўлення нагляднай і рэгістрацыйна-экзаменацыйнай дзейнасці галоўнага ўпраўлення ДАІ МУС Аляксандр Шмаянкоў, перадае карэспандэнт БЕЛТА.
"Сістэма электронных пашпартоў існуе на тэрыторыі ўсяго ЕАЭС. Гэта такая агульная база транспартных сродкаў. Чым адрозніваецца ад папяровага? Бяспека. Гэта ўсё ў электронным выглядзе, і да нас уся інфармацыя паступае ў электронным выглядзе праз запыт, праз інфармацыйныя сістэмы. Падрабіць электронны пашпарт цяжэй, чым папяровы", - расказаў Аляксандр Шмаянкоў.
Каб паставіць аўто на ўлік у Беларусі, цяпер патрэбны электронны ПТС. Пры гэтым важна, што электронны пашпарт датычыцца толькі аўтамабіляў, увезеных у РБ з іншых краін. Але з часам яго хочуць увесці для ўсіх машын.
"Ужо вызначаны орган - Белтэхагляд, які мае магчымасць афармляць электронны пашпарт на транспартныя сродкі, што стаяць на дзяржаўным уліку ў Беларусі", - удакладніў Аляксандр Шмаянкоў.
Як паведамлялася, пастановай Савета Міністраў ад 19 красавіка 2024 года нумар 294 скарэкціравана палажэнне аб парадку дзяржаўнай рэгістрацыі і дзяржаўнага ўліку транспартных сродкаў, зняцця іх з уліку і ўнясення змяненняў у дакументы, звязаныя з дзяржаўнай рэгістрацыяй транспартных сродкаў. Адпаведныя змяненні ўнесены ў пастанову ўрада ад 31 снежня 2002 года нумар 1849. Новы парадак рэгістрацыі і пастаноўкі транспартных сродкаў на дзяржаўны ўлік уступіў у сілу з 17 чэрвеня.-0-
"Сістэма электронных пашпартоў існуе на тэрыторыі ўсяго ЕАЭС. Гэта такая агульная база транспартных сродкаў. Чым адрозніваецца ад папяровага? Бяспека. Гэта ўсё ў электронным выглядзе, і да нас уся інфармацыя паступае ў электронным выглядзе праз запыт, праз інфармацыйныя сістэмы. Падрабіць электронны пашпарт цяжэй, чым папяровы", - расказаў Аляксандр Шмаянкоў.
Каб паставіць аўто на ўлік у Беларусі, цяпер патрэбны электронны ПТС. Пры гэтым важна, што электронны пашпарт датычыцца толькі аўтамабіляў, увезеных у РБ з іншых краін. Але з часам яго хочуць увесці для ўсіх машын.
"Ужо вызначаны орган - Белтэхагляд, які мае магчымасць афармляць электронны пашпарт на транспартныя сродкі, што стаяць на дзяржаўным уліку ў Беларусі", - удакладніў Аляксандр Шмаянкоў.
Як паведамлялася, пастановай Савета Міністраў ад 19 красавіка 2024 года нумар 294 скарэкціравана палажэнне аб парадку дзяржаўнай рэгістрацыі і дзяржаўнага ўліку транспартных сродкаў, зняцця іх з уліку і ўнясення змяненняў у дакументы, звязаныя з дзяржаўнай рэгістрацыяй транспартных сродкаў. Адпаведныя змяненні ўнесены ў пастанову ўрада ад 31 снежня 2002 года нумар 1849. Новы парадак рэгістрацыі і пастаноўкі транспартных сродкаў на дзяржаўны ўлік уступіў у сілу з 17 чэрвеня.-0-
Падпісвайцеся на нас у
