Сцяг Чацвер, 25 ліпеня 2024
Усе навіны
Усе навіны
Грамадства
10 чэрвеня 2024, 14:51

Да плюс 27 градусаў, навальніцы і вецер. Якім будзе надвор'е на бягучым тыдні

 

10 чэрвеня, Мінск /Кар. БЕЛТА/. Да плюс 27 градусаў, дажджы з навальніцамі і вецер чакаюцца ў Беларусі 11-16 чэрвеня, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

"Пачатак рабочага тыдня абяцае быць дажджлівым. Пры развіцці канвектыўнай воблачнасці ноччу месцамі ў паўночных і цэнтральных раёнах, а днём у асобных раёнах па паўднёвым усходзе дажджы будуць дасягаць крытэрыяў моцных. Пры навальніцах месцамі будзе ўзмацняцца вецер да моцнага парывістага. Разам з тым, нягледзячы на дажджы, паветра па краіне прагрэецца да плюс 21-27 градусаў", - расказалі ў Белгідрамеце.

У аўторак, 11 чэрвеня, ноччу на большай частцы тэрыторыі, а днём пераважна па ўсходняй палавіне краіны пройдуць дажджы, месцамі - моцныя дажджы. Ноччу ў многіх раёнах, а днём па ўсходняй палавіне прагрымяць навальніцы, пры навальніцах месцамі ўзмацненне ветру парывамі 15-20 м/с. У начныя і ранішнія гадзіны ў асобных раёнах згусціцца туман. Тэмпература паветра ноччу складзе плюс 10-16 градусаў, па паўднёвым усходзе - да плюс 19 градусаў. Днём паветра прагрэецца да плюс 21-27.

У сераду, 12 чэрвеня, ноччу ў рэспубліцы захаваецца ўплыў няўстойлівых паветраных мас, і кароткачасовыя дажджы пройдуць месцамі па тэрыторыі краіны. Днём фон атмасфернага ціску будзе расці, і ў большасці раёнаў істотных ападкаў не чакаецца, толькі па паўднёвым усходзе, дзе будзе адчувацца ўплыў малаактыўнага атмасфернага фронту, месцамі пройдуць кароткачасовыя дажджы. У асобных раёнах магчымы навальніцы. Ноччу і раніцай месцамі слабы туман. Тэмпература паветра ноччу будзе ад плюс 7 да плюс 14 градусаў, а па паўднёвым усходзе - да плюс 17. Днём тэмпература павысіцца да плюс 19-24 градусаў.

Згодна з папярэднім прагнозам сіноптыкаў, у далейшым пры павышаным фоне атмасфернага ціску ападкаў па рэспубліцы чакаецца няшмат, яны будуць адзначацца лакальна і мець кароткачасовы характар. Месцамі дажджы будуць суправаджацца навальніцамі.
У чацвер, 13 чэрвеня, будзе пераважна без ападкаў. У начныя і ранішнія гадзіны месцамі слабы туман. Ноччу слупкі тэрмометраў пакажуць плюс 7-13 градусаў, днём - плюс 17-24.

У пятніцу, 14 чэрвеня, месцамі па краіне прагназуюцца кароткачасовыя дажджы, навальніцы. Ноччу і раніцай у асобных раёнах слабы туман. Тэмпература паветра ноччу будзе вагацца ад плюс 7 да плюс 14 градусаў, а днём - ад плюс 18 да плюс 25 градусаў.

У суботу, 15 чэрвеня, месцамі па краіне пройдуць кароткачасовыя дажджы, магчымы навальніцы. Ноччу і раніцай у асобных раёнах слабы туман. Тэмпература паветра ноччу дасягне плюс 7-14 градусаў, днём - плюс 19-25.

У нядзелю, 16 чэрвеня, месцамі па краіне чакаюцца кароткачасовыя дажджы, магчымы навальніцы. У начныя і ранішнія гадзіны ў асобных раёнах слабы туман. Ноччу сіноптыкі абяцаюць плюс 8-14 градусаў, днём - ад плюс 19 па поўначы да плюс 27 па поўдні.-0-
Падпісвайцеся на нас у
Twitter
Топ-навіны
Свежыя навіны Беларусі