27 мая, Мінск /Кар. БЕЛТА/. Да 26 градусаў цяпла і парывісты вецер чакаецца ў Беларусі 28 мая, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У аўторак будзе воблачна з праясненнямі. Уначы месцамі, раніцай і ўдзень пераважна па заходняй палове краіны пройдуць кароткачасовыя дажджы, у асобных раёнах навальніцы. Уначы і раніцай месцамі прагназуецца слабы туман. Вецер будзе паўднёвы 3-8 м/с, удзень 5-10 м/с, парывы будуць дасягаць 14 м/с.
Тэмпература паветра ўначы складзе 11-17 градусаў цяпла, удзень будзе плюс 20-26 градусаў, па паўднёвым усходзе паветра прагрэецца да 28 градусаў.-0-
