Сяргей Чыжык
10 лютага, Мінск /Кар. БЕЛТА/. Развіццё штучнага інтэлекту ставіць перад вучонымі новыя выклікі. Аб гэтым заявіў першы намеснік старшыні Прэзідыума Нацыянальнай акадэміі навук Беларусі Сяргей Чыжык на ўрачыстым мерапрыемстве, прымеркаваным да 60-годдзя Аб'яднанага інстытута праблем інфарматыкі НАН, перадае карэспандэнт БЕЛТА.
"Зроблена вельмі шмат, але наперадзе яшчэ нямала работы. Пастаянна з'яўляюцца новыя задачы - лічбавізацыя, штучны інтэлект. ШІ падкідае нам штотыднёва ўсё новыя і новыя выклікі. Нельга адставаць ад гэтага працэсу, трэба працаваць, працаваць і працаваць, вырашаць задачы. Вынік будзе бачыць увесь наш народ, уся наша краіна", - сказаў Сяргей Чыжык.
Ён адзначыў, што інстытут шмат чаго дасягнуў у самых розных сферах: у галіне аналізу медыцынскіх відарысаў, лічбавых двайнікоў, біяінфарматыкі, мадэліравання лякарстваў, стварэння суперкамп'ютараў для розных мэт, у касмічнай сферы. "Застаецца толькі пажадаць так трымаць, дабівацца новага, каб у нас былі свае тэхналогіі, а не замежныя", - падкрэсліў першы намеснік старшыні Прэзідыума НАН.
Сёння Аб'яднаны інстытут праблем інфарматыкі Нацыянальнай акадэміі навук Беларусі адзначае 60-гадовы юбілей. На працягу шасці дзесяцігоддзяў інстытут з'яўляецца флагманам у галіне інфармацыйных тэхналогій. За гэтыя гады было рэалізавана мноства перадавых распрацовак, якія ўнеслі значны ўклад у развіццё навукі і тэхналогій. Шырока вядомы дасягненні інстытута ў стварэнні высокапрадукцыйных суперкамп'ютарных сістэм, запатрабаваных для вырашэння практычных задач у машынабудаванні, медыцыне і лагістыцы, у сферы бяспекі дзяржавы. Атрымалі прызнанне работы калектыву інстытута па развіцці новых напрамкаў даследаванняў у галіне робататэхнікі, штучнага інтэлекту, нейрасеткавых тэхналогій, біяінфарматыкі, аўтаматызацыі і праектавання, геаінфармацыйных сістэм, лічбавай картаграфіі, інфармацыйна-касмічных тэхналогій.
Да юбілейнай даты ў інстытуце адбылося ўрачыстае мерапрыемства. Адкрыўся музей, дзе прадстаўлены гістарычныя моманты станаўлення і развіцця інстытута. Асаблівае месца ў экспазіцыі занялі значныя навуковыя і прыкладныя распрацоўкі, якія адыгралі ключавую ролю ў станаўленні беларускай навукі.
У час урачыстага мерапрыемства лепшых вучоных узнагародзілі юбілейнымі памятнымі знакамі і медалямі за іх уклад у развіццё інстытута.-0-
"Зроблена вельмі шмат, але наперадзе яшчэ нямала работы. Пастаянна з'яўляюцца новыя задачы - лічбавізацыя, штучны інтэлект. ШІ падкідае нам штотыднёва ўсё новыя і новыя выклікі. Нельга адставаць ад гэтага працэсу, трэба працаваць, працаваць і працаваць, вырашаць задачы. Вынік будзе бачыць увесь наш народ, уся наша краіна", - сказаў Сяргей Чыжык.
Ён адзначыў, што інстытут шмат чаго дасягнуў у самых розных сферах: у галіне аналізу медыцынскіх відарысаў, лічбавых двайнікоў, біяінфарматыкі, мадэліравання лякарстваў, стварэння суперкамп'ютараў для розных мэт, у касмічнай сферы. "Застаецца толькі пажадаць так трымаць, дабівацца новага, каб у нас былі свае тэхналогіі, а не замежныя", - падкрэсліў першы намеснік старшыні Прэзідыума НАН.
Сёння Аб'яднаны інстытут праблем інфарматыкі Нацыянальнай акадэміі навук Беларусі адзначае 60-гадовы юбілей. На працягу шасці дзесяцігоддзяў інстытут з'яўляецца флагманам у галіне інфармацыйных тэхналогій. За гэтыя гады было рэалізавана мноства перадавых распрацовак, якія ўнеслі значны ўклад у развіццё навукі і тэхналогій. Шырока вядомы дасягненні інстытута ў стварэнні высокапрадукцыйных суперкамп'ютарных сістэм, запатрабаваных для вырашэння практычных задач у машынабудаванні, медыцыне і лагістыцы, у сферы бяспекі дзяржавы. Атрымалі прызнанне работы калектыву інстытута па развіцці новых напрамкаў даследаванняў у галіне робататэхнікі, штучнага інтэлекту, нейрасеткавых тэхналогій, біяінфарматыкі, аўтаматызацыі і праектавання, геаінфармацыйных сістэм, лічбавай картаграфіі, інфармацыйна-касмічных тэхналогій.
Да юбілейнай даты ў інстытуце адбылося ўрачыстае мерапрыемства. Адкрыўся музей, дзе прадстаўлены гістарычныя моманты станаўлення і развіцця інстытута. Асаблівае месца ў экспазіцыі занялі значныя навуковыя і прыкладныя распрацоўкі, якія адыгралі ключавую ролю ў станаўленні беларускай навукі.
У час урачыстага мерапрыемства лепшых вучоных узнагародзілі юбілейнымі памятнымі знакамі і медалямі за іх уклад у развіццё інстытута.-0-
Падпісвайцеся на нас у
