Фота з архіва
2 красавіка, Мінск /Кар. БЕЛТА/. Чытачы Нацыянальнай бібліятэкі Беларусі атрымаюць дыстанцыйны доступ да электроннай чытальнай залы Прэзідэнцкай бібліятэкі імя Б.М.Ельцына (Санкт-Пецярбург, Расія), паведаміў генеральны дырэктар Нацыянальнай бібліятэкі Беларусі Вадзім Гігін у час падпісання пагаднення аб супрацоўніцтве паміж бібліятэкамі, перадае карэспандэнт БЕЛТА.
"Сёння вельмі важная падзея. Мы з Прэзідэнцкай бібліятэкай імя Б.М.Ельцына, якая знаходзіцца ў Санкт-Пецярбургу, адкрываем цэнтр доступу да вельмі багатай базы. Гэта ўнікальны бібліятэчны збор, дзе ёсць і электронныя, і звычайныя рэсурсы. Прэзідэнцкая бібліятэка імя Б.М.Ельцына славіцца тым, што з'яўляецца адной з перадавых бібліятэк па пашырэнні бібліятэчных рэсурсаў і работы з рознымі катэгорыямі людзей не толькі Расійскай Федэрацыі, але і свету. У яе ёсць праграмы для ваеннаслужачых, для дзяржаўных служачых, для навуковых работнікаў. Мы ўжо даволі даўно супрацоўнічаем, і мне даводзілася бываць у сценах гэтай бібліятэкі. У нас вельмі блізкія падыходы па многіх пытаннях і, на мой пункт гледжання, гэта супрацоўніцва ў цэлым адлюстроўвае саюзніцтва Расіі і Беларусі ў культурна-гуманітарнай сферы", - сказаў Вадзім Гігін.
"Разам з дырэктарам Прэзідэнцкай бібліятэкі мы ўзначальваем камітэт па падрыхтоўцы да (святкавання. - Заўвага БЕЛТА) 80-годдзя Перамогі ў рамках усёй Бібліятэчнай Асамблеі Еўразіі. Незалежна ад нейкіх палітычных пытанняў, бібліятэчныя ўстановы былой постсавецкай прасторы разам ідуць да святкавання 80-годдзя агульнай Вялікай Перамогі", - дадаў Вадзім Гігін.
На яго думку, галоўнае - забяспечыць пераемнасць, каб памяць пра Вялікую Перамогу і братэрства нашых народаў захоўвалася і перадавалася наступным пакаленням.
"Пры наяўнасці нашага чытацкага білета, вы атрымліваеце доступ поўны да ўнікальнага фонду Прэзідэнцкай бібліятэкі імя Б.М.Ельцына, які мае вялікую гістарычную каштоўнасць. Я думаю, што для даследчыкаў, студэнтаў і дзяржаўных служачых, якія прапрацоўваюць падрыхтоўку тых ці іншых дакументаў, такі доступ з'яўляецца прынцыпова важным", - заўважыў Вадзім Гігін.
Генеральны дырэктар Прэзідэнцкай бібліятэкі імя Б.М.Ельцына Юрый Носаў падкрэсліў, што Дзень яднання народаў Беларусі і Расіі сапраўды знамянальная дата.
"У нас шмат планаў. Упэўнены, што яны ўсе будуць дасягнуты. Таксама мы адкрываем віртуальную чытальную залу, якая дазволіць усім чытачам Нацыянальнай бібліятэкі Беларусі акунуцца ва ўсе фонды нашай Прэзідэнцкай бібліятэкі. Там шмат цікавых выданняў, архіўных дакументаў, ёсць калекцыя пра гісторыю ўзаемаадносін Расіі і Беларусі", - дадаў Юрый Носаў.
Сёння таксама адбудзецца падпісанне пагаднення па адкрыцці дыстанцыйнага доступу да рэсурсаў Прэзідэнцкай бібліятэкі імя Б.М.Ельцына ў Прэзідэнцкай бібліятэцы Беларусі.-0-
"Сёння вельмі важная падзея. Мы з Прэзідэнцкай бібліятэкай імя Б.М.Ельцына, якая знаходзіцца ў Санкт-Пецярбургу, адкрываем цэнтр доступу да вельмі багатай базы. Гэта ўнікальны бібліятэчны збор, дзе ёсць і электронныя, і звычайныя рэсурсы. Прэзідэнцкая бібліятэка імя Б.М.Ельцына славіцца тым, што з'яўляецца адной з перадавых бібліятэк па пашырэнні бібліятэчных рэсурсаў і работы з рознымі катэгорыямі людзей не толькі Расійскай Федэрацыі, але і свету. У яе ёсць праграмы для ваеннаслужачых, для дзяржаўных служачых, для навуковых работнікаў. Мы ўжо даволі даўно супрацоўнічаем, і мне даводзілася бываць у сценах гэтай бібліятэкі. У нас вельмі блізкія падыходы па многіх пытаннях і, на мой пункт гледжання, гэта супрацоўніцва ў цэлым адлюстроўвае саюзніцтва Расіі і Беларусі ў культурна-гуманітарнай сферы", - сказаў Вадзім Гігін.
"Разам з дырэктарам Прэзідэнцкай бібліятэкі мы ўзначальваем камітэт па падрыхтоўцы да (святкавання. - Заўвага БЕЛТА) 80-годдзя Перамогі ў рамках усёй Бібліятэчнай Асамблеі Еўразіі. Незалежна ад нейкіх палітычных пытанняў, бібліятэчныя ўстановы былой постсавецкай прасторы разам ідуць да святкавання 80-годдзя агульнай Вялікай Перамогі", - дадаў Вадзім Гігін.
На яго думку, галоўнае - забяспечыць пераемнасць, каб памяць пра Вялікую Перамогу і братэрства нашых народаў захоўвалася і перадавалася наступным пакаленням.
"Пры наяўнасці нашага чытацкага білета, вы атрымліваеце доступ поўны да ўнікальнага фонду Прэзідэнцкай бібліятэкі імя Б.М.Ельцына, які мае вялікую гістарычную каштоўнасць. Я думаю, што для даследчыкаў, студэнтаў і дзяржаўных служачых, якія прапрацоўваюць падрыхтоўку тых ці іншых дакументаў, такі доступ з'яўляецца прынцыпова важным", - заўважыў Вадзім Гігін.
Генеральны дырэктар Прэзідэнцкай бібліятэкі імя Б.М.Ельцына Юрый Носаў падкрэсліў, што Дзень яднання народаў Беларусі і Расіі сапраўды знамянальная дата.
"У нас шмат планаў. Упэўнены, што яны ўсе будуць дасягнуты. Таксама мы адкрываем віртуальную чытальную залу, якая дазволіць усім чытачам Нацыянальнай бібліятэкі Беларусі акунуцца ва ўсе фонды нашай Прэзідэнцкай бібліятэкі. Там шмат цікавых выданняў, архіўных дакументаў, ёсць калекцыя пра гісторыю ўзаемаадносін Расіі і Беларусі", - дадаў Юрый Носаў.
Сёння таксама адбудзецца падпісанне пагаднення па адкрыцці дыстанцыйнага доступу да рэсурсаў Прэзідэнцкай бібліятэкі імя Б.М.Ельцына ў Прэзідэнцкай бібліятэцы Беларусі.-0-
