Фота з архіва
15 красавіка, Гродна /Кар. БЕЛТА/. Рашэнне стварыць Маладзёжны парламент пры Гродзенскім гарадскім Савеце дэпутатаў прынята на сустрэчы старшыні гарадскога Савета Алега Бялінскага і члена Савета Рэспублікі Нацыянальнага сходу Беларусі, рэктара ГрДМУ Ігара Жука са студэнцкім актывам абласнога цэнтра, перадае карэспандэнт БЕЛТА.
Членамі Маладзёжнага парламента стане 31 малады гродзенец: 20 з іх прадставяць студэнцтва, 11 - працуючую моладзь і вучняў сярэдніх спецыяльных устаноў адукацыі. Вялікія перспектывы для юных парламентарыяў адкрывае новаўвядзенне ў рабоце: кожны член Маладзёжнага парламента стане памочнікам аднаго з дзеючых дэпутатаў гарадскога Савета. "Гэта дасць кожнаму маладому чалавеку магчымасць набыць унікальны вопыт у арганізацыі сустрэч з выбаршчыкамі, падрыхтоўцы дэпутацкіх запытаў, рэалізацыі праектаў, - расказаў Алег Бялінскі. - Акрамя таго, дзеці будуць заўсёды знаходзіцца ў цэнтры грамадскага жыцця горада, вывучаць дзейнасць дэпутацкага корпуса знутры, будуць ведаць, што робіцца ў Гродне для яго жыхароў, як вырашаюцца іх пытанні. Крэатыўныя маладыя людзі атрымаюць шанц прапаноўваць і ажыццяўляць карысныя для горада ініцыятывы, ствараць цікавы кантэнт, які расказвае аб рабоце гарадскога Савета дэпутатаў і Маладзёжнага парламента ў сетцы. Трэба будзе таксама наладзіць супрацоўніцтва з маладымі парламентарыямі іншых рэгіёнаў і краін".
Як адзначыў Ігар Жук, дзякуючы маладзёжным ініцыятывам у нашай краіне і ў Гродзенскай вобласці рэалізавана нямала значных і карысных праектаў. Удзельнічаючы ў рабоце Маладзёжнага парламента, юныя гродзенцы змогуць вылучыць свае ідэі, узаемадзейнічаць непасрэдна з прадстаўнікамі розных сфер, што адкрывае для іх вялікія жыццёвыя перспектывы, а гораду дае магчымасць максімальна выкарыстоўваць у пазітыўных мэтах энергію і энтузіязм маладых жыхароў Гродна.
Падаць заяўку на ўдзел у Маладзёжным парламенце студэнты змогуць у сваіх ВНУ. Адбор лепшых будзе давераны камісіі па сацыяльных пытаннях гарсавета, у склад якой уваходзяць вопытныя кіраўнікі арганізацый, прадпрыемстваў, устаноў аховы здароўя, СМІ.-0-
Членамі Маладзёжнага парламента стане 31 малады гродзенец: 20 з іх прадставяць студэнцтва, 11 - працуючую моладзь і вучняў сярэдніх спецыяльных устаноў адукацыі. Вялікія перспектывы для юных парламентарыяў адкрывае новаўвядзенне ў рабоце: кожны член Маладзёжнага парламента стане памочнікам аднаго з дзеючых дэпутатаў гарадскога Савета. "Гэта дасць кожнаму маладому чалавеку магчымасць набыць унікальны вопыт у арганізацыі сустрэч з выбаршчыкамі, падрыхтоўцы дэпутацкіх запытаў, рэалізацыі праектаў, - расказаў Алег Бялінскі. - Акрамя таго, дзеці будуць заўсёды знаходзіцца ў цэнтры грамадскага жыцця горада, вывучаць дзейнасць дэпутацкага корпуса знутры, будуць ведаць, што робіцца ў Гродне для яго жыхароў, як вырашаюцца іх пытанні. Крэатыўныя маладыя людзі атрымаюць шанц прапаноўваць і ажыццяўляць карысныя для горада ініцыятывы, ствараць цікавы кантэнт, які расказвае аб рабоце гарадскога Савета дэпутатаў і Маладзёжнага парламента ў сетцы. Трэба будзе таксама наладзіць супрацоўніцтва з маладымі парламентарыямі іншых рэгіёнаў і краін".
Як адзначыў Ігар Жук, дзякуючы маладзёжным ініцыятывам у нашай краіне і ў Гродзенскай вобласці рэалізавана нямала значных і карысных праектаў. Удзельнічаючы ў рабоце Маладзёжнага парламента, юныя гродзенцы змогуць вылучыць свае ідэі, узаемадзейнічаць непасрэдна з прадстаўнікамі розных сфер, што адкрывае для іх вялікія жыццёвыя перспектывы, а гораду дае магчымасць максімальна выкарыстоўваць у пазітыўных мэтах энергію і энтузіязм маладых жыхароў Гродна.
Падаць заяўку на ўдзел у Маладзёжным парламенце студэнты змогуць у сваіх ВНУ. Адбор лепшых будзе давераны камісіі па сацыяльных пытаннях гарсавета, у склад якой уваходзяць вопытныя кіраўнікі арганізацый, прадпрыемстваў, устаноў аховы здароўя, СМІ.-0-
