Чабатар: роля жанчыны ў грамадскім, эканамічным жыцці краіны стала больш актыўнай і важкай

4 сакавіка, Мінск /Кар. БЕЛТА/. За апошнія дзесяцігоддзі роля жанчыны ў грамадскім, эканамічным і палітычным жыцці Беларусі істотна змянілася: стала больш актыўнай і важкай. Аб гэтым у інтэрв'ю карэспандэнту БЕЛТА расказаў міністр эканомікі Юрый Чабатар.

"За апошнія дзесяцігоддзі роля жанчыны ў грамадскім, эканамічным і палітычным жыцці Беларусі істотна змянілася: стала больш актыўнай і важкай. Нашы жанчыны адукаваныя і працавітыя. Дзве трэці з іх маюць вышэйшую або прафесійна-тэхнічную адукацыю. "У працаздольным узросце працуюць 84,5 працэнта жанчын, - сказаў Юрый Чабатар. - Калі гаварыць пра ўдзел прыгожага полу ў розных сферах дзейнасці, то жанчыны пераважаюць у адукацыі, ахове здароўя, фінансавай і страхавой дзейнасці. Дарэчы, 70 працэнтаў дзяржслужачых - гэта таксама жанчыны".

Паводле яго слоў, сёння кожны трэці прадпрымальнік у Беларусі - жанчына. "Такія пазітыўныя тэндэнцыі ў многім абумоўлены мэтанакіраванай палітыкай дзяржавы, якая паслядоўна прымае комплексныя меры для таго, каб кожная беларуска магла самарэалізавацца ў прафесіі з улікам сваіх пажаданняў, узроўню адукацыі і кампетэнцый, аказвае значную падтрымку сем'ям з дзецьмі", - адзначыў міністр.-0-