ДЗЯРЖОРГАНЫДЗЯРЖОРГАНЫ
Флаг Серада, 4 жніўня 2021
Мінск Суцэльная воблачнасць +18°C
Усе навіны
Усе навіны
Грамадства
22 чэрвеня 2021, 12:24

БРСМ заклікаў моладзь памятаць урокі гісторыі, цаніць і берагчы мір на зямлі

Фота з архіва
Фота з архіва

22 чэрвеня, Мінск /Кар. БЕЛТА/. БРСМ заклікаў моладзь памятаць урокі гісторыі, цаніць і берагчы мір на зямлі. Тэкст заявы да 80-годдзя з дня пачатку Вялікай Айчыннай вайны быў размешчаны на сайце і групах саюза моладзі ў сацыяльных сетках, паведамляе БЕЛТА.

"22 чэрвеня - сумная дата ў гісторыі Беларусі, дзень пачатку Вялікай Айчыннай вайны, адной з самых разбуральных і кровапралітных у гісторыі чалавецтва. Наша краіна больш за ўсіх пацярпела ад гітлераўскай агрэсіі. Фашысты разбурылі тысячы беларускіх гарадоў і вёсак, скалечылі душы і сэрцы мільёнаў ні ў чым не вінаватых людзей. У барацьбе за свабоду і незалежнасць Радзімы загінуў кожны трэці жыхар Беларусі. Аб гэтым, пранікаючы ў нашы сэрцы, смуткуюць званы Хатыні", - гаворыцца ў заяве.

У 80-ю гадавіну з дня пачатку Вялікай Айчыннай вайны даводзіцца канстатаваць, што некаторыя палітыкі рэгулярна робяць ганебныя спробы перапісаць гісторыю гэтай вайны, прынізіць ролю і значнасць укладу ў Вялікую Перамогу воінаў Чырвонай Арміі. "Здаецца, што многіх з іх падзеі 1941-1945 гадоў так нічаму і не навучылі. Яны па-ранейшаму кідаюць чалавецтву выклік, штурхаюць яго да бездані, метадычна развязваюць міжнародныя канфлікты, насаджаюць моладзі і ўсяму грамадству палітыку зла, насілля, экстрэмізму, мэтанакіравана сеюць зерне неанацысцкай ідэалогіі і гераізуюць нацызм. Мы заклікаем кожнага перасцерагчы будучыя пакаленні ад паўтарэння фатальных памылак мінулага, памятаць урокі гісторыі, цаніць і берагчы мір на зямлі", - адзначаецца ў дакуменце.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі