Мабільная версія
ДЗЯРЖОРГАНЫ

Апошнія навіны
Усе навіны

БРСМ стварае саветы навучэнскай моладзі

Грамадства 15.04.2019 | 19:54
Аляксандра Ганчарова. Фота з архіва
Аляксандра Ганчарова. Фота з архіва

15 красавіка, Мінск /Кар. БЕЛТА/. Для развіцця самакіравання і выяўлення лідараў у маладзёжным асяроддзі БРСМ стварае саветы навучэнскай моладзі, паведаміла карэспандэнту БЕЛТА сакратар Цэнтральнага камітэта грамадскага аб'яднання Аляксандра Ганчарова.

"На сённяшні дзень ужо функцыянуюць саветы студэнцкай і працуючай моладзі, цяпер ствараюцца саветы навучэнскай моладзі. Іх адметная рыса ў тым, што яны будуць падзелены на тры групы. У першую ўвойдуць навучэнцы школ, ліцэяў і гімназій, у другую - устаноў сярэдняй спецыяльнай адукацыі, у трэцюю - устаноў прафесійна-тэхнічнай адукацыі. Па 21 прадстаўніку ў кожнай групе", - расказала Аляксандра Ганчарова.

Паводле яе слоў, першы арганізацыйны сход савета навучэнскай моладзі пройдзе 24 красавіка ў Рэспубліканскім доме моладзі ў Мінску. "Акрамя таго, на працягу дня на базе Беларускага дзяржаўнага педагагічнага ўніверсітэта імя Максіма Танка для дзяцей будуць арганізаваны трэнінгі, што дасць ім магчымасць пазнаёміцца і пасябраваць. Яшчэ гэта магчымасць выявіць у кожнай групе лідараў, якія ў далейшым узначаляць саветы навучэнскай моладзі. Запланавана і экскурсія ў Нацыянальны гістарычны музей, які з'яўляецца партнёрам саюза моладзі", - адзначыла сакратар ЦК БРСМ.

Аляксандра Ганчарова дадала, што саветы навучэнскай моладзі стануць у тым ліку добрай камунікацыйнай пляцоўкай.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь у рэйтынгу дзяржаў па індэксе развіцця чалавека Штогадовыя глабальныя даклады аб чалавечым развіцці публікуюцца ПРААН з 1990 года.