Сцяг Аўторак, 21 мая 2024
Усе навіны
Усе навіны
Грамадства
28 лютага 2024, 14:49

Большасць апытаных палякаў выступілі супраць мініравання граніц з Беларуссю і Расіяй

Фота Unsplash
Фота Unsplash
28 лютага, Мінск /Кар. БЕЛТА/. Большасць апытаных палякаў не хочуць, каб граніцы з Беларуссю і Расіяй былі замініраваны. Аб гэтым сведчаць даныя даследавання IBRiS, праведзенага па заказе Rzeczpospolita, паведамляе Польскае агенцтва друку (PAP).

У жыхароў Польшчы спыталі іх меркаванне наконт таго, ці варта Польшчы ўстанаўліваць мінныя палі на граніцах з Беларуссю і Расіяй. Паводле вынікаў апытання, 54 працэнты рэспандэнтаў выказаліся супраць, а 28,3 працэнта адказалі станоўча, 17,7 працэнта не змаглі адказаць.

Усяго ў апытанні, якое праводзілася 23 і 24 лютага, прыняў удзел 1071 чалавек.

"Міністэрства замежных спраў і Міністэрства нацыянальнай абароны інфармуюць Rzeczpospolita, што пакуль не плануюць мініраваць граніцы з Беларуссю і Расіяй", - гаворыцца ў каментарыі выдання да даных апытання.

У той жа час адзначаецца, што ўлады Літвы, Латвіі і Эстоніі цяпер разглядаюць прыняцце такіх мер.-0-
Падпісвайцеся на нас у
Twitter
Топ-навіны
Свежыя навіны Беларусі