28 мая, Мінск /Кар. БЕЛТА/. Больш за 6,6 тыс. абітурыентаў прынялі ўдзел у ЦТ па вучэбных прадметах па выбары. Аб гэтым БЕЛТА паведамілі ў прэс-службе Міністэрства адукацыі Беларусі.
Усяго для ўдзелу ў ЦТ 27 мая былі зарэгістраваны 7593 абітурыенты. Найбольш папулярны прадмет - матэматыка, яго выбралі 21,3 працэнта абітурыентаў. Англійскую мову пажадалі здаць 20,2 працэнта чалавек. Яшчэ 13,8 працэнта абітурыентаў выбралі гісторыю Беларусі. Усяго выкананне ЦТ у 38 пунктах пачалі 6627 чалавек. Не з'явіліся 966 чалавек, або 12,7 працэнта ад агульнай колькасці зарэгістраваных. У ходзе правядзення тэсціравання выдаленых з аўдыторый абітурыентаў не было. Адзін чалавек не змог завяршыць ЦТ па стане здароўя.
У прэс-службе дадалі, што здача ЦТ 27 і 30 мая прадугледжана для выпускнікоў школ мінулых гадоў і выпускнікоў каледжаў. Выпускнікі ўстаноў агульнай сярэдняй адукацыі 2024 года гэтымі ж днямі здаюць цэнтралізаваныя экзамены.-0-
Падпісвайцеся на нас у
