19 красавіка, Мінск /Кар. БЕЛТА/. Больш за 500 прапаноў аб працаўладкаванні чакае наведвальнікаў электроннага кірмашу вакансій з удзелам прадпрыемстваў сталіцы 22 красавіка, паведамілі БЕЛТА ў камітэце па працы, занятасці і сацыяльнай абароне Мінгарвыканкама.
Мерапрыемства пройдзе з 10.00 да 12.00 на сайце http://e-vacancy.by.
Вакантныя месцы жадаючым працаўладкавацца прапануюць: дзяржпрадпрыемства "ЖЭУ нумар 1 Партызанскага раёна Мінска", дзяржпрадпрыемства "ЖЭУ нумар 4 Партызанскага раёна Мінска", ААТ "Керамін", ААТ "МАЗ" - кіруючая кампанія холдынга "БЕЛАЎТАМАЗ", ААТ "Мінскрамбуд", УП "Мінскводаканал", РУП "Белмедпрэпараты", РУП "Белсаюздрук" і інш.
Удзельнікі кірмашу змогуць падрабязна азнаёміцца з вакансіямі і ўмовамі працы, задаць хвалюючыя пытанні, накіраваць рэзюмэ, атрымаць электронную кансультацыю і нават запрашэнне на гутарку ў рэжыме рэальнага часу. Пасля заканчэння мерапрыемства вакансіі будуць захаваны ў агульнарэспубліканскім банку вакансій на сайце http://gsz.gov.by/.-0-