20 студзеня, Мінск /Кар. БЕЛТА/. Больш за 5 млн 176 тыс. беларусаў атрымалі адну дозу вакцыны супраць COVID-19, з іх больш за 4 млн 246 тыс. чалавек прайшлі поўны курс вакцынацыі, паведамляе БЕЛТА са спасылкай на прэс-службу Міністэрства аховы здароўя.
Адну дозу вакцыны атрымалі больш за 17,8 тыс. падлеткаў 12-17 гадоў. Прычым некалькі дзясяткаў дзяцей прайшлі поўны курс вакцынацыі.
Такім чынам, адной дозай вакцынавана 55,4 працэнта ад агульнай колькасці насельніцтва краіны, поўны курс вакцынацыі прайшлі 45,4 працэнта насельніцтва.-0-