22 чэрвеня, Брэст /Кар. БЕЛТА/. У мемарыяльным комплексе "Брэсцкая крэпасць-герой" больш за 35 тыс. чалавек сталі гледачамі канцэрта-рэквіема "4 гады доўгай дарогі…", прысвечанага Дню ўсенароднай памяці ахвяр Вялікай Айчыннай вайны і генацыду беларускага народа, перадае карэспандэнт БЕЛТА.
Кіраўнік Адміністрацыі Прэзідэнта Дзмітрый Крутой зачытаў зварот кіраўніка дзяржавы Аляксандра Лукашэнкі. Таксама ў мерапрыемстве прынялі ўдзел дзяржаўны сакратар Саюзнай дзяржавы Расіі і Беларусі Сяргей Глазьеў, старшыня Брэсцкага аблвыканкама Пётр Пархомчык, прадстаўнікі міністэрстваў і ведамстваў, замежныя дэлегацыі.
У Вялікай Айчыннай вайне савецкі народ пацярпеў каласальныя страты. У Беларусі загінуў кожны трэці. Першымі націск фашыстаў 22 чэрвеня 1941 года прынялі байцы пагранічных застаў. У памяць аб адвазе папярэднікаў цяперашняе пакаленне воінаў у зялёных фуражках па традыцыі запалілі факел ад Вечнага агню Брэсцкай крэпасці і свечкі на вянках, якія апусцілі ў воды ракі Буг. Ваеннаслужачыя ўсклалі гірлянды да пліт мемарыяла, а маладыя людзі паставілі лампадкі.
"Гэта сакральнае месца для нашай краіны, і сакральная дата - 22 чэрвеня. Сёння перад пачаткам канцэрта-рэквіема быў паказаны каляндарны лісток. Тады быў нядзельны дзень. Так супала, што сёння таксама нядзеля. Самая кароткая ноч, на жаль, для нашай краіны на тры гады ператварылася ў жах і пекла. І 3 млн загінулых беларусаў патрабуюць (фактычна з неба), каб мы кожны год шанавалі іх памяць менавіта ў гэту дату", - сказаў Дзмітрый Крутой.
Гледачы ўбачылі больш як двухгадзінны канцэрт-рэквіем "4 гады доўгай дарогі…". Яго ўдзельнікамі сталі беларускія і расійскія артысты. Гледачы разам з маленькай дзяўчынкай-сучасніцай убачылі гісторыю пра Вялікую Айчынную вайну праз прызму мінулых 84 гадоў. Карцінка змянялася, выклікаючы розныя пачуцці: мірнае і бесклапотнае 21 чэрвеня 1941 года, бязлітаснае ўварванне нямецка-фашысцкіх захопнікаў, мітусня і паніка эвакуацыі, барацьба з ворагам, страты і пошукі родных, вызваленне.
Міністр транспарту Расіі Раман Старавойт расказаў, што сёння ў Брэсцкай крэпасці фінішаваў аўтапрабег, прысвечаны 80-годдзю Перамогі ў Вялікай Айчыннай вайне. "Кожны кіламетр дарогі, які пераадолелі ўдзельнікі аўтапрабегу, - гэта напамін пра бессмяротны подзвіг нашага народа, тых людзей, якія дзень і ноч ратавалі, дапамагалі, эвакуіравалі параненых. А пасля вайны нашы героі аднаўлялі дарогі, масты, будынкі, зноў адраджалі разбураныя фашыстамі гарады", - падкрэсліў Раман Старавойт.
У памяць аб усіх, хто сутыкнуўся з жахамі Вялікай Айчыннай вайны, прысутныя ўсклалі кветкі да Вечнага агню і пліт некропаля. Была аб'яўлена мінута маўчання. На завяршэнне цырымоніі ваеннаслужачыя прайшлі ўрачыстым маршам па плошчы Цырыманіялаў.-0-
Фота Віялеты Южаковай, Леаніда Шчаглова
Кіраўнік Адміністрацыі Прэзідэнта Дзмітрый Крутой зачытаў зварот кіраўніка дзяржавы Аляксандра Лукашэнкі. Таксама ў мерапрыемстве прынялі ўдзел дзяржаўны сакратар Саюзнай дзяржавы Расіі і Беларусі Сяргей Глазьеў, старшыня Брэсцкага аблвыканкама Пётр Пархомчык, прадстаўнікі міністэрстваў і ведамстваў, замежныя дэлегацыі.
У Вялікай Айчыннай вайне савецкі народ пацярпеў каласальныя страты. У Беларусі загінуў кожны трэці. Першымі націск фашыстаў 22 чэрвеня 1941 года прынялі байцы пагранічных застаў. У памяць аб адвазе папярэднікаў цяперашняе пакаленне воінаў у зялёных фуражках па традыцыі запалілі факел ад Вечнага агню Брэсцкай крэпасці і свечкі на вянках, якія апусцілі ў воды ракі Буг. Ваеннаслужачыя ўсклалі гірлянды да пліт мемарыяла, а маладыя людзі паставілі лампадкі. "Гэта сакральнае месца для нашай краіны, і сакральная дата - 22 чэрвеня. Сёння перад пачаткам канцэрта-рэквіема быў паказаны каляндарны лісток. Тады быў нядзельны дзень. Так супала, што сёння таксама нядзеля. Самая кароткая ноч, на жаль, для нашай краіны на тры гады ператварылася ў жах і пекла. І 3 млн загінулых беларусаў патрабуюць (фактычна з неба), каб мы кожны год шанавалі іх памяць менавіта ў гэту дату", - сказаў Дзмітрый Крутой.
Гледачы ўбачылі больш як двухгадзінны канцэрт-рэквіем "4 гады доўгай дарогі…". Яго ўдзельнікамі сталі беларускія і расійскія артысты. Гледачы разам з маленькай дзяўчынкай-сучасніцай убачылі гісторыю пра Вялікую Айчынную вайну праз прызму мінулых 84 гадоў. Карцінка змянялася, выклікаючы розныя пачуцці: мірнае і бесклапотнае 21 чэрвеня 1941 года, бязлітаснае ўварванне нямецка-фашысцкіх захопнікаў, мітусня і паніка эвакуацыі, барацьба з ворагам, страты і пошукі родных, вызваленне.
Міністр транспарту Расіі Раман Старавойт расказаў, што сёння ў Брэсцкай крэпасці фінішаваў аўтапрабег, прысвечаны 80-годдзю Перамогі ў Вялікай Айчыннай вайне. "Кожны кіламетр дарогі, які пераадолелі ўдзельнікі аўтапрабегу, - гэта напамін пра бессмяротны подзвіг нашага народа, тых людзей, якія дзень і ноч ратавалі, дапамагалі, эвакуіравалі параненых. А пасля вайны нашы героі аднаўлялі дарогі, масты, будынкі, зноў адраджалі разбураныя фашыстамі гарады", - падкрэсліў Раман Старавойт. У памяць аб усіх, хто сутыкнуўся з жахамі Вялікай Айчыннай вайны, прысутныя ўсклалі кветкі да Вечнага агню і пліт некропаля. Была аб'яўлена мінута маўчання. На завяршэнне цырымоніі ваеннаслужачыя прайшлі ўрачыстым маршам па плошчы Цырыманіялаў.-0-
Фота Віялеты Южаковай, Леаніда Шчаглова
Падпісвайцеся на нас у
