Сцяг Серада, 24 красавіка 2024
Усе навіны
Усе навіны
Грамадства
28 лютага 2024, 17:02

Больш за 100 прафсаюзных юрыстаў правядуць бясплатныя кансультацыі па ўсёй краіне 29 лютага

Фота з архіва
Фота з архіва
28 лютага, Мінск /Кар. БЕЛТА/. Больш за 100 прафсаюзных юрыстаў 29 лютага правядуць бясплатныя кансультацыі па ўсёй краіне. Аб гэтым БЕЛТА паведамілі ў прэс-службе Федэрацыі прафсаюзаў Беларусі.

Спецыялісты ФПБ пракансультуюць усіх жадаючых па пытаннях, звязаных з абаронай працоўных правоў і сацыяльна-эканамічных інтарэсаў. Месца правядзення - арганізацыі, якія знаходзяцца на тэрыторыі раёнаў, гарадоў рэспублікі, раённыя, гарадскія аб'яднанні прафсаюзаў. Уся неабходная інфармацыя аб месцы і часе правядзення прыёмаў знаходзіцца на афіцыйных сайтах абласных, раённых, гарадскіх аб'яднанняў прафсаюзаў.

"Практыка выязных прававых прыёмаў даўно паказала сваю эфектыўнасць. Такая форма кансультавання дае магчымасць больш аператыўна вырашаць праблемы тых, хто звярнуўся, на месцы разгледзець і разабрацца ў прадстаўленых дакументах. Часцей за ўсё дастаткова растлумачэння норм заканадаўства. І ў большасці выпадкаў пытанні вырашаюцца непасрэдна на прававым прыёме, - расказалі ў прэс-службе. - Часцей за ўсё звароты закранаюць працоўныя адносіны. Таксама адначасова з прававымі прыёмамі ў працоўных калектывах праводзяцца дні прававой асветы і прававой культуры, у час якіх работнікам на прадпрыемствах тлумачаць найбольш актуальныя прававыя пытанні".

У час прававых прыёмаў да прафсаюзных юрыстаў далучаюцца і пракурорскія работнікі. Пад асаблівай увагай двух ведамстваў - выкананне наймальнікамі гарантый у галіне працы, парадку і тэрмінаў выплаты заработнай платы, а таксама ўсіх сум, якія належаць работніку пры звальненні.

Акрамя выязных прыёмаў, прававыя інспектары працы пастаянна аказваюць юрыдычную дапамогу грамадзянам. Звярнуцца можна па тэлефоне, прыйсці на асабісты прыём, пакінуць пісьмовы зварот або электронны - праз спецыяльны сэрвіс на інтэрнэт-партале ФПБ.

У прэс-службе адзначылі, што ў раённых, гарадскіх аб'яднаннях прафсаюзаў ажыццяўляецца папярэдні запіс. Гэта можна зрабіць асабіста, па тэлефоне, праз сайт, па адрасе электроннай пошты раённага, гарадскога аб'яднання прафсаюзаў.-0-
Падпісвайцеся на нас у
Twitter
Топ-навіны
Свежыя навіны Беларусі