1 снежня, Мінск /Кар. БЕЛТА/. У Беларусі з пачатку года больш за 10 тыс. пацыентаў пасля COVID-19 прайшлі стацыянарную медыцынскую рэабілітацыю, паведаміла журналістам намеснік дырэктара РНПЦ медыцынскай экспертызы і рэабілітацыі Дзіяна Казакевіч, перадае карэспандэнт БЕЛТА.
"Па стане на 30 верасня 318 ложкаў застаюцца перапрафіляванымі. За 2021 год (на канец верасня) было рэабілітавана 10 тыс. 229 пацыентаў. Пры гэтым больш за 90 працэнтаў пацыентаў пасля этапу ранняй стацыянарнай медыцынскай рэабілітацыі былі выпісаны да працы, гэта значыць выпісаны з выздараўленнем", - сказала Дзіяна Казакевіч.
Яна адзначыла, што ў сувязі з пандэміяй у краіне ў самыя кароткія тэрміны была створана сістэма медыцынскай рэабілітацыі пацыентаў, якія перанеслі COVID-19, у тым ліку пнеўманію, выкліканую гэтай інфекцыяй. З 2020 года ў розныя тэрміны было перапрафілявана больш за 1 тыс. ложкаў для аказання такой дапамогі. Ранняя стацыянарная медыцынская рэабілітацыя аказвалася як на рэспубліканскім узроўні, у тым ліку ў РНПЦ медыцынскай экспертызы і рэабілітацыі, дзе ўсе 110 ложкаў былі перапрафіляваны, так і на абласным, раённым узроўнях, а таксама ў амбулаторных аддзяленнях.
Дзіяна Казакевіч падкрэсліла, што функцыянаванне сістэмы ранняй стацыянарнай медыцынскай рэабілітацыі з'яўляецца вялікім дасягненнем беларускай аховы здароўя.-0-
