ДЗЯРЖОРГАНЫДЗЯРЖОРГАНЫ
Флаг Нядзеля, 26 чэрвеня 2022
Мінск Ясна +27°C
Усе навіны
Усе навіны
Грамадства
16 снежня 2021, 14:23

Больш як 55 працэнтаў беларусаў лічаць, што за наплыў мігрантаў на граніцы адказныя краіны ЕС, ЗША і НАТА

16 снежня, Мінск /Кар. БЕЛТА/. Больш як 55 працэнтаў беларусаў лічаць, што за наплыў мігрантаў на граніцы адказныя краіны ЕС, ЗША і НАТА. Такія даныя сацыялагічнага даследавання "Беларусь: меркаванне пра будучыню", арганізаванага Інстытутам сацыялогіі Нацыянальнай акадэміі навук Беларусі, прывёў журналістам кіраўнік Аналітычнага цэнтра EcooM Сяргей Мусіенка, перадае карэспандэнт БЕЛТА.

"Гэта пытанне, якое цяпер актыўна абмяркоўваецца ў грамадстве", - адзначыў Сяргей Мусіенка.

На думку грамадзян, адказнасць за наплыў і вялікую колькасць мігрантаў нясуць урады краін, адкуль бягуць людзі (33,8 працэнта). "Згадзіцеся, гэта відавочна", - падкрэсліў кіраўнік Аналітычнага цэнтра EcooM.

У ліку вінаватых міграцыйнага крызісу грамадзяне называюць таксама краіны ЕС (24,4 працэнта), ЗША (19 працэнтаў) і НАТА (12,6 працэнта).

"Мы бачым гэтыя відавочныя рэчы, у тым ліку дзякуючы рабоце СМІ і ўключанасці нашага грамадства ў інфармацыйныя патокі. Людзям гэта сітуацыя абсалютна відавочна. Хоць ёсць тыя, хто не змог адказаць, - 32,9 працэнта. Гэта якраз той рэсурс, якім трэба растлумачваць гэту сітуацыю", - дадаў Сяргей Мусіенка.

У рамках сацыялагічнага забеспячэння рэспубліканскага рэферэндуму з 15 лістапада па 4 снежня 2021 года сацыялагічным кансорцыумам ДНУ "Інстытут сацыялогіі НАН Беларусі" сумесна з Аналітычным цэнтрам EcooM праведзена маштабнае сацыялагічнае даследаванне "Беларусь. Меркаванне пра будучыню". У апытанні прынялі ўдзел 10 217 рэспандэнтаў. Генеральная сукупнасць - эканамічна занятае насельніцтва. Выбарка шматступеньчатая, стратыфікаваная (па рэгіёне пражывання і тыпе населенага пункта), з кантролем квот полу і ўзросту. Даследаваннем ахоплены ўсе вобласці Беларусі, Мінск, 52 раёны (з улікам 9 раёнаў сталіцы), амаль 350 арганізацый і прадпрыемстваў розных сфер і форм уласнасці.

Варта адзначыць высокую цікавасць грамадзян да анкетавання, большасць з якіх станоўча ўспрынялі цікавасць сацыёлагаў да іх пазіцыі і ацэнкі. Апытанне ўспрынята як магчымасць данесці сваё меркаванне аб бягучых працэсах, хвалюючых праблемах і будучым краіны. Грамадзяне выказвалі пажаданні больш частага правядзення такіх сацыялагічных даследаванняў. Пры жывым абмеркаванні з інтэрв'юерамі рэспандэнты ўзнімалі пытанні водазабеспячэння, будаўніцтва аб'ектаў сацыяльнай і забаўляльнай інфраструктуры, якасці і даступнасці медыцынскага абслугоўвання і іншыя. Усе заўвагі, якія паступілі, пачуты і пастаўлены на кантроль мясцовай выканаўчай уладай.-Э-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі