Фота з архіва
22 мая, Мінск /Кар. БЕЛТА/. Больш за 5 працэнтаў дарослага насельніцтва Беларусі мае цукровы дыябет II тыпу, паведаміла намеснік галоўнага ўрача па арганізацыйна-метадычнай рабоце ДУ "Рэспубліканскі цэнтр медыцынскай рэабілітацыі і бальнеалячэння", галоўны пазаштатны дарослы эндакрынолаг Міністэрства аховы здароўя Вольга Салко ў прэс-цэнтры БЕЛТА.
"Распаўсюджанасць цукровага дыябету II тыпу сярод дарослага насельніцтва ў мінулым годзе склала 5,2 працэнта. Інакш кажучы, больш за 5 працэнтаў дарослага насельніцтва хварэе на цукровы дыябет", - сказала Вольга Салко, заўважыўшы, што яшчэ гадоў 10 таму паказчык быў на ўзроўні 3,3-3,5 працэнта.
Паводле яе слоў, такія паказчыкі - рэзультат сумеснай работы эндакрынолагаў і ўрачоў першаснага звяна. Разумеючы агульнасусветную тэндэнцыю, што характарызуе недавыяўленне цукровага дыябету II тыпу, у Беларусі ўжо шмат гадоў праводзяцца мерапрыемствы па раннім актыўным выяўленні дыябету.
"Ёсць сітуацыі, калі пацыент ужо мае цукровы дыябет. Але, на жаль, ён не ведае пра наяўнасць свайго захворвання. Першапачатковым мерапрыемствам аказання дыябеталагічнай дапамогі з'яўляецца, зразумела, ранняе выяўленне, - сказала Вольга Салко. - У нашай краіне даволі шмат мерапрыемстваў праходзіць у сувязі з гэтым. Шмат гадоў мы праводзім розныя акцыі па выяўленні цукровага дыябету, інфармаванне насельніцтва. Павелічэнне распаўсюджанасці дыябету сведчыць аб тым, што наша работа прыносіць пэўныя вынікі".
У краіне назіраецца паступовы рост распаўсюджанасці сярод насельніцтва ў цэлым эндакрыннай паталогіі. У 2024 годзе гэты паказчык склаў каля 9,5 працэнта. "Інакш кажучы, 9,5 працэнта нашага насельніцтва мае тое ці іншае эндакрыннае захворванне", - растлумачыла намеснік галоўнага ўрача. Часцей за ўсё сустракаецца, як і ва ўсім свеце, цукровы дыябет II тыпу і тая ці іншая паталогія шчытападобнай залозы.-0-
"Распаўсюджанасць цукровага дыябету II тыпу сярод дарослага насельніцтва ў мінулым годзе склала 5,2 працэнта. Інакш кажучы, больш за 5 працэнтаў дарослага насельніцтва хварэе на цукровы дыябет", - сказала Вольга Салко, заўважыўшы, што яшчэ гадоў 10 таму паказчык быў на ўзроўні 3,3-3,5 працэнта.
Паводле яе слоў, такія паказчыкі - рэзультат сумеснай работы эндакрынолагаў і ўрачоў першаснага звяна. Разумеючы агульнасусветную тэндэнцыю, што характарызуе недавыяўленне цукровага дыябету II тыпу, у Беларусі ўжо шмат гадоў праводзяцца мерапрыемствы па раннім актыўным выяўленні дыябету.
"Ёсць сітуацыі, калі пацыент ужо мае цукровы дыябет. Але, на жаль, ён не ведае пра наяўнасць свайго захворвання. Першапачатковым мерапрыемствам аказання дыябеталагічнай дапамогі з'яўляецца, зразумела, ранняе выяўленне, - сказала Вольга Салко. - У нашай краіне даволі шмат мерапрыемстваў праходзіць у сувязі з гэтым. Шмат гадоў мы праводзім розныя акцыі па выяўленні цукровага дыябету, інфармаванне насельніцтва. Павелічэнне распаўсюджанасці дыябету сведчыць аб тым, што наша работа прыносіць пэўныя вынікі".
У краіне назіраецца паступовы рост распаўсюджанасці сярод насельніцтва ў цэлым эндакрыннай паталогіі. У 2024 годзе гэты паказчык склаў каля 9,5 працэнта. "Інакш кажучы, 9,5 працэнта нашага насельніцтва мае тое ці іншае эндакрыннае захворванне", - растлумачыла намеснік галоўнага ўрача. Часцей за ўсё сустракаецца, як і ва ўсім свеце, цукровы дыябет II тыпу і тая ці іншая паталогія шчытападобнай залозы.-0-
Падпісвайцеся на нас у
