9 ліпеня, Мінск /Кар. БЕЛТА/. Больш як 18 тыс. карыстальнікаў зарэгістраваліся на партале рэйтынгавай ацэнкі дзяржарганізацый, паведамілі БЕЛТА ў Міністэрстве сувязі і інфарматызацыі.
Таксама на партале ўжо зарэгістравана амаль 12,5 тыс. арганізацый. Ён даступны па адрасе качество-услуг.бел, для зручнасці карыстальнікаў створана мабільная версія.
Грамадзяне могуць ацаніць эфектыўнасць работы дзяржорганаў і арганізацый па 5-бальнай шкале па некалькіх крытэрыях. Гэта прастата і зразумеласць працэсу атрымання паслугі, даступнасць інфармацыі аб парадку атрымання паслугі, выкананне тэрміну прадастаўлення паслугі, ветлівасць і добразычлівасць супрацоўнікаў.
"Мэта такога механізма зваротнай сувязі дзяржавы і грамадства - павышэнне эфектыўнасці работы з грамадзянамі, якасці забеспячэння жыццядзейнасці насельніцтва і адкрытасці дзяржаўных органаў і арганізацый", - растлумачылі ў міністэрстве.-0-