ДЗЯРЖОРГАНЫДЗЯРЖОРГАНЫ
Флаг Пятніца, 14 мая 2021
Мінск Суцэльная воблачнасць +10°C
Усе навіны
Усе навіны
Грамадства
13 красавіка 2021, 15:48

БКМА будзе ўдзельнічаць у падтрымцы маладзёжных праектаў і ініцыятыў - Алекса

У час круглага стала
У час круглага стала

13 красавіка, Мінск /Кар. БЕЛТА/. Беларускі камітэт маладзёжных арганізацый будзе ўдзельнічаць у падтрымцы маладзёжных праектаў і ініцыятыў, паведаміў журналістам старшыня Рэспубліканскага саюза грамадскіх арганізацый "Беларускі камітэт маладзёжных арганізацый" Павел Алекса. Сёння ён прыняў удзел у круглым стале на тэму "Беларускі саюз жанчын і маладзёжная ініцыятыва" ў Палаце прадстаўнікоў, перадае карэспандэнт БЕЛТА.

"У моладзі заўсёды шмат ініцыятыў. Прыемна, што ў нас цяпер назіраецца ўсплёск грамадзянскай актыўнасці, у маладзёжным сектары ў тым ліку. Рэгіструецца вялікая колькасць маладзёжных грамадскіх аб'яднанняў. На сённяшні дзень іх ужо 382 у Беларусі. Многія выказваюць жаданне ўступіць у Беларускі камітэт маладзёжных арганізацый, што таксама радуе. Тэматыка самая розная - ад патрыятычных праектаў да звязаных з маладзёжным стартап-рухам, развіццём бізнесу, сельскай гаспадаркі, - расказаў Павел Алекса. - БКМА ў тым ліку будзе з'яўляцца арганізацыяй, якая акажа садзейнічанне ў фінансаванні маладзёжных праектаў і ініцыятыў".

Аб парадку і правілах падачы заявак будзе аб'яўлена пазней. "Але любую маладзёжную ініцыятыву, як мінімум, разгледзіць экспертны савет, які будзе створаны пры Беларускім камітэце маладзёжных аб'яднанняў. І практычна ў кожнай маладзёжнай ініцыятывы, у тым ліку грамадскіх аб'яднанняў і маладзёжных грамадскіх фарміраванняў, будзе магчымасць заявіцца і паўдзельнічаць на агульных асновах у рэалізацыі і падтрымцы свайго праекта", - адзначыў старшыня БКМА.

Круглы стол аб'яднаў кіраўніцтва Беларускага саюза жанчын, прадстаўнікоў розных маладзёжных арганізацый і аб'яднанняў. Удзельнікі абмеркавалі тэмы, якія датычацца ў першую чаргу эфектыўных форм узаемадзеяння з рознымі маладзёжнымі аўдыторыямі (школьнікамі, студэнтамі, працуючай моладдзю), а таксама заканадаўчага забеспячэння маладзёжнай палітыкі ў краіне. Па выніках круглага стала сфармулявана дарожная карта канкрэтных праектаў, накіраваных на яднанне і патрыятычнае выхаванне моладзі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі