Мабільная версія
ДЗЯРЖОРГАНЫ

Апошнія навіны
Усе навіны

Бюджэтнікі ў Беларусі будуць раз у год атрымліваць аднаразовую выплату на аздараўленне

Грамадства 23.07.2019 | 10:44
Фота з архіва
Фота з архіва

23 ліпеня, Мінск /Кар. БЕЛТА/. У Беларусі бюджэтнікі будуць раз у год атрымліваць да водпуску аднаразовую выплату на аздараўленне. Гэта прадугледжана законапраектам "Аб змяненні законаў па пытаннях аплаты працы работнікаў бюджэтных арганізацый", паведаміў карэспандэнту БЕЛТА член Пастаяннай камісіі па працы і сацыяльных пытаннях Палаты прадстаўнікоў Анатоль Дашко.

Законапраект прыводзіць беларускае заканадаўства ў адпаведнасць з указам ад 18 студзеня 2019 года нумар 27 "Аб аплаце працы работнікаў бюджэтных арганізацый". "У ліку новаўвядзенняў - аднаразовая выплата на аздараўленне ў памеры палавіны акладу", - расказаў парламентарый. Дапамогу можна будзе атрымліваць раз у год да водпуску. Плануецца таксама ўрэгуляваць пытанні назначэння матэрыяльнай дапамогі.

Акрамя таго, пашыраюцца паўнамоцтвы галіновых міністэрстваў і кіраўнікоў на месцах. "Згодна з законапраектам галіновыя міністэрствы падзаконнымі актамі ўстанаўліваюць тарыфныя разрады і вызначаюць пералікі стымулюючых і кампенсуючых выплат і іх памеры. Акрамя таго, дзяржаўным органам і бюджэтным арганізацыям прадастаўляецца права самастойна ўстанаўліваць памеры выплат работнікам у залежнасці ад вынікаў працы і наяўнасці сродкаў", - адзначыў парламентарый.

"Гэта дасць магчымасць дыферэнцыраваць зарплату кожнага канкрэтнага работніка", - дадаў ён.

Анатоль Дашко нагадаў, што ш адпаведнасці з указам замест дзеючай 27-разраднай Адзінай тарыфнай сеткі работнікаў у Беларусі ўводзіцца 18-разрадная тарыфная сетка для вызначэння памераў аплаты працы работнікаў бюджэтных арганізацый. Адпаведныя змяненні адбудуцца і ў заканадаўстве. "Сістэма дзякуючы гэтаму стане прасцейшай і больш празрыстай", - адзначыў дэпутат. Пры гэтым яе ўвядзенне не дапускае зніжэння зарплаты, падкрэсліў ён.

Папраўкі будуць уносіцца ў вялікі пакет дакументаў, у тым ліку ў Працоўны кодэкс, законы аб індэксацыі даходаў насельніцтва, аб воінскім абавязку і службе, аб свабодных эканамічных зонах, аб дзяржаўных мінімальных стандартах, аб устанаўленні і парадку павышэння мінімальнай зарплаты і іншыя. Чакаецца, што законапраект будзе разгледжаны Палатай прадстаўнікоў на асенняй сесіі.-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь - Расія: гандлёва-эканамічнае супрацоўніцтва Расія - асноўны гандлёвы партнёр Беларусі. Аб'ём знешняга гандлю таварамі з Расіяй у 2018 годзе ў параўнанні з 1996-м павялічыўся амаль у 5,5 раза.