9 лютага, Мінск /Кар. БЕЛТА/. Тэрмін бязвізу пры ўездзе праз Нацыянальны аэрапорт Мінск летам можа быць павялічаны да 10 дзён, паведаміў віцэ-прэм'ер Анатоль Калінін у час падагульняючай калегіі Мінтранса, перадае карэспандэнт БЕЛТА.
"Што датычыцца бязвізу, то ў нас сёння 10 дзён - Брэст, Гродна і 5 дзён - праз Нацыянальны аэрапорт. Ёсць даручэнне для МЗС на працягу гэтага года, напэўна, у ліпені-жніўні будзе ўжо 10 дзён праз Нацыянальны аэрапорт", - сказаў віцэ-прэм'ер.
Анатоль Калінін даручыў кіраўніцтву Нацыянальнага аэрапорта Мінск і авіякампаніі "Белавія" стварыць неабходныя ўмовы для гасцей краіны. "Аэрапорт - гэта галоўныя вароты турыстычнага патоку ў Беларусь", - падкрэсліў ён.
Як паведамлялася, у лютым 2017 года пачаў дзейнічаць пяцідзённы бязвізавы рэжым для грамадзян 80 краін. З 1 студзеня 2018 года тэрмін бязвізавага знаходжання замежных грамадзян у асобных раёнах Брэсцкай і Гродзенскай абласцей быў прадоўжаны да 10 дзён.-0-
