Мабільная версія
ДЗЯРЖОРГАНЫ

Апошнія навіны
Усе навіны

Бясплатныя экскурсіі па Беларусі пройдуць 13 і 14 красавіка

Грамадства 20.03.2019 | 12:37
Фота з архіва
Фота з архіва

20 сакавіка, Мінск /Кар. БЕЛТА/. Бясплатныя экскурсіі па Беларусі пройдуць 13 і 14 красавіка ў час "Фэсту экскурсаводаў - 2019", паведамілі БЕЛТА ў аргкамітэце мерапрыемства.

У гэтым годзе "Фэст экскурсаводаў" будзе юбілейны і пройдзе дзясяты раз. Запланаваны шматлікія экскурсіі па ўсёй краіне, таксама чакаюцца падарожжы па беларускіх мясцінах за мяжой. Падрыхтаваны і навінкі: квэсты для дзяцей і дарослых, незвычайныя маршруты па "звычайных" мясцінах. Запланаваны дзіцячыя, храмавыя, тэматычныя экскурсіі, экскурсіі для людзей з інваліднасцю, экскурсіі на прамысловыя прадпрыемствы.

"Стваральнікі "Фэсту экскурсаводаў" не ставяць сабе мэту павялічыць колькасць бясплатных экскурсій, але будуць больш пільна адсочваць іх якасць. Традыцыйна экскурсіі на "Фэсце экскурсаводаў" могуць праводзіць не толькі прафесійныя экскурсаводы, але таксама выкладчыкі гісторыі, краязнаўцы, даследчыкі пэўнай эпохі, асобы, тэматыкі або рэгіёна", - расказалі ў аргкамітэце мерапрыемства.

Ідэя праводзіць "Фэст экскурсаводаў" з'явілася ў Беларусі ў 2009 годзе. Ён прымеркаваны да Міжнароднага дня помнікаў і гістарычных мясцін, які адзначаецца 18 красавіка.

Арганізатарамі "Фэсту экскурсаводаў - 2019" выступаюць Беларускі камітэт Міжнароднага савета па помніках і гістарычных мясцінах (ICOMOS), грамадскае аб'яднанне "Беларускі фонд культуры" і Нацыянальнае агенцтва па турызме. Падрабязная інфармацыя размешчана на сайце фестывалю.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Работа ўстаноў аховы здароўя ў выхадныя і святочныя дні ў маі У час святочных мерапрыемстваў будуць дзяжурыць медыкі. Службы хуткай медыцынскай дапамогі будуць пераведзены ў рэжым павышанай гатоўнасці.