28 мая, Магілёў /Кар. БЕЛТА/. Тэндэнцыі развіцця медыяпрасторы такія, што для моладзі лічбавыя пляцоўкі становяцца асноўным полем інфармацыйнай прысутнасці. Аб гэтым карэспандэнту БЕЛТА заявіў дэкан факультэта журналістыкі БДУ Аляксей Бяляеў перад пачаткам форуму медыйнай супольнасці Беларусі.
"Сёння медыясфера развіваецца ў тым ліку з тэхнічнага пункту гледжання. Мы бачым, што ёсць перакос у бок карыстання лічбавымі платформамі, сацыяльныя сеткі і іншыя пляцоўкі становяцца галоўнымі пляцоўкамі атрымання інфармацыі. І мы павінны займаць там сваё месца, канкурыраваць з нашымі апанентамі", - сказаў Аляксей Бяляеў.
Дэкан журфака БДУ таксама адзначыў, што беларускія СМІ даволі паспяхова гэта робяць. Важную ролю ў гэтым адыгрываюць кадры. "Не сакрэт, што людзі сярэдняга і старэйшага пакаленняў з некаторым недаверам і няўменнем прысутнічаюць на лічбавых пляцоўках. І выкарыстанне гэтых пляцовак для іх з'яўляецца другарадным", - падкрэсліў ён.
У той жа час, звярнуў увагу Аляксей Бяляеў, моладзь "нараджаецца з мабільным тэлефонам у руках", і для маладых людзей лічбавыя пляцоўкі з'яўляюцца асноўным полем інфармацыйнай прысутнасці.
"Разам з тым, моладзь павінна быць патрыятычна настроенай, гэта павінны быць сапраўдныя грамадзяне. Бо журналістаў не так шмат, і факультэт журналістыкі БДУ рыхтуе ў нейкім сэнсе адзінкавых спецыялістаў, - канстатаваў дэкан журфака БДУ. - І кожны малады спецыяліст, якога мы выпускаем, павінен быць паўнацэнным удзельнікам медыясупольнасці, валодаць усімі неабходнымі кваліфікацыямі. Таму мы зрабілі стаўку на ўніверсалізацыю журналісцкай адукацыі. Але мы ўлічваем і інтарэсы нашых студэнтаў".-0-
"Сёння медыясфера развіваецца ў тым ліку з тэхнічнага пункту гледжання. Мы бачым, што ёсць перакос у бок карыстання лічбавымі платформамі, сацыяльныя сеткі і іншыя пляцоўкі становяцца галоўнымі пляцоўкамі атрымання інфармацыі. І мы павінны займаць там сваё месца, канкурыраваць з нашымі апанентамі", - сказаў Аляксей Бяляеў.
Дэкан журфака БДУ таксама адзначыў, што беларускія СМІ даволі паспяхова гэта робяць. Важную ролю ў гэтым адыгрываюць кадры. "Не сакрэт, што людзі сярэдняга і старэйшага пакаленняў з некаторым недаверам і няўменнем прысутнічаюць на лічбавых пляцоўках. І выкарыстанне гэтых пляцовак для іх з'яўляецца другарадным", - падкрэсліў ён.
"Разам з тым, моладзь павінна быць патрыятычна настроенай, гэта павінны быць сапраўдныя грамадзяне. Бо журналістаў не так шмат, і факультэт журналістыкі БДУ рыхтуе ў нейкім сэнсе адзінкавых спецыялістаў, - канстатаваў дэкан журфака БДУ. - І кожны малады спецыяліст, якога мы выпускаем, павінен быць паўнацэнным удзельнікам медыясупольнасці, валодаць усімі неабходнымі кваліфікацыямі. Таму мы зрабілі стаўку на ўніверсалізацыю журналісцкай адукацыі. Але мы ўлічваем і інтарэсы нашых студэнтаў".-0-
