Сцяг Аўторак, 19 сакавіка 2024
Усе навіны
Усе навіны
Грамадства
29 лістапада 2022, 18:13

Біятэхналогіі ў АПК і фармацэўтыцы. Шлычкоў расказаў, якія праекты будучага рэалізуюцца ў Беларусі

29 лістапада, Мінск /Кар. БЕЛТА/. Старшыня Дзяржаўнага камітэта па навуцы і тэхналогіях Сяргей Шлычкоў на пасяджэнні Камісіі па навукова-тэхнічным супрацоўніцтве Беларуска-кітайскага міжурадавага камітэта па супрацоўніцтве расказаў, якія праекты будучага рэалізуюцца ў Беларусі. Аб гэтым карэспандэнту БЕЛТА паведамілі ў прэс-службе ДКНТ.

Важнейшы механізм рэалізацыі дзяржаўнай навукова-тэхнічнай палітыкі - навукова-тэхнічныя праграмы, адзначыў Сяргей Шлычкоў. У 2022 годзе выконваліся 23 навукова-тэхнічныя праграмы, у тым ліку 14 дзяржаўных, 8 галіновых і адна рэгіянальная. "Сярод рэзультатаў рэалізацыі навукова-тэхнічных праграм можна выдзеліць розныя мадэлі электробусаў, электрычную зарадную інфраструктуру для электратранспарту, метады лячэння розных захворванняў і шмат іншага", - расказаў ён.

Асноўны інструмент рэалізацыі дзяржаўнай палітыкі ў сферы інавацыйнай дзейнасці - дзяржаўная праграма інавацыйнага развіцця, якая зацвярджаецца Прэзідэнтам. Цяпер рэалізуецца праграма на 2021-2025 гады. "Усяго ў дзяржаўную праграму ўключана 75 праектаў па стварэнні ў розных рэгіёнах Беларусі новых высокатэхналагічных вытворчасцей, з іх 34 заснаваны на тэхналогіях V і VI тэхналагічных укладаў. На іх будзе выдзелена больш за 75 працэнтаў ад агульнага аб'ёму фінансавання праграмы", - дадаў старшыня ДКНТ.

Цяпер у Беларусі рэалізуюцца шэсць комплексных праектаў будучага, якія прадугледжваюць стварэнне высокатэхналагічных вытворчасцей у розных рэгіёнах краіны. "Праект па развіцці нацыянальнага электратранспарту дазволіць стварыць у краіне новы сектар машынабудаўнічай галіны - электрамабілебудаванне і будзе мець маштабны мультыплікатыўны эфект для інавацыйнага развіцця іншых галін. Праект "Біятэхналогіі ў аграпрамысловым комплексе" дазволіць развіць новую для Беларусі біятэхналагічную галіну ў сельскай гаспадарцы праз стварэнне інавацыйнага навукова-адукацыйнага цэнтра, а таксама адпаведных інавацыйных вытворчасцей. Дзякуючы рэалізацыі праекта "Дакладнае земляробства" можна правесці лічбавізацыю аграпрамысловага комплексу пры дапамозе ўкаранення лічбавай сістэмы падтрымкі", - растлумачыў Сяргей Шлычкоў.

Кіраўнік ведамства адзначыў, што ў Беларусі рэалізуецца праект "Інавацыйная ахова здароўя", у рамках якога прадугледжана стварэнне цэнтра гібрыднай кардыяхірургіі, біяфармацэўтычнай вытворчасці лекавых сродкаў, а таксама ўкараненне ў медыцынскія ўстановы сучасных тэхналогій электроннай аховы здароўя. Праект "Біятэхналогіі для фармацэўтыкі" прадугледжвае стварэнне вытворчасці лекавых сродкаў для лячэння вірусных, сардэчна-сасудзістых і іншых захворванняў, проціпухлінных лекавых сродкаў і шэраг іншых вытворчасцей. Шосты праект - "Разумныя гарады Беларусі" - прадугледжвае стварэнне мультысэрвіснай лічбавай платформы для забеспячэння камфортнага асяроддзя пражывання.-0-

Падпісвайцеся на нас у
Twitter
Топ-навіны
Свежыя навіны Беларусі