16 снежня, Гродна /Кар. БЕЛТА/. Большасць бежанцаў у ТЛЦ пакуль не маюць намеру вяртацца ў Ірак, многія апасаюцца за бяспеку сваю і дзяцей. Такое меркаванне ў размове з карэспандэнтам БЕЛТА выказала адна з бежанак.
Сёння ідзе 39-ы дзень для бежанцаў на граніцы. Цяпер яны знаходзяцца ў пункце размяшчэння ў транспартна-лагістычным цэнтры "Брузгі" непадалёку ад беларуска-польскай граніцы. У пункце размяшчэння бежанцаў у ТЛЦ каля граніцы знаходзяцца каля 800 чалавек, з якіх каля 40 працэнтаў жанчыны і дзеці. Большасць бежанцаў - выхадцы з Ірака.
"Так, нам прапануюць вярнуцца дадому па праграме дапамогі, але мы маем намер застацца. У мяне двое дзяцей, я апасаюся за іх, ды і за сябе з мужам таксама. На радзіме ў нас нічога не засталося, і наўрад ці мы зможам пачаць там новае жыццё", - сказала адна з бежанак.
Жанчына эмацыянальна пацікавілася ў журналістаў, якія навіны прыходзяць з Еўрасаюза. "Што там Польшча? Што Германія? Што яны гавораць пра нас, як збіраюцца вырашаць праблему?" - спытала яна. Бежанка адзначыла, што беларускі бок забяспечвае іх усім неабходным, у тым ліку прадуктамі і цёплымі рэчамі, але працяглае чаканне ўплывае перш за ўсё на маральны стан людзей.-0-